چەندێک لە جوانییەکەی دەزانین؟
چەند ووشەیەکی نایاب لە بووکەوە دەربارەی زاوا: «ئەو بە گشتی جوانە» (گۆرانی سولەیمان 5:16). بێگومان ئەم دەربڕینە بە دروستی بۆ عیسای مەسیح، خۆشەویستەکەمان دەگونجێت. دوو ووشەی «بە گشتی جوانە» یەک ووشەی عیبری دەنوێنێت مەخماد، بە واتای «شتێکی خواستراو.» بۆ ژنی حیزقیل بەکارهاتووە، «ئارەزووی چاوەکانت» (حیزقیل 24:16). بۆ منداڵەکانی ئەفرایم بەکارهاتووە، «بەرهەمی خۆشەویستی سکی دایک» (هۆشەع 9:16). هەروەها بۆ پەرستگای خودا بەکارهاتووە کە وەک «ئارەزوو» وەرگێڕدراوە (حیزقیل 24:21). بۆ موڵک و ماڵی گرانبەها بەکارهاتووە و وەک «شتە خۆشەکان» (1 پاشایان 20:6؛ ئیشایا 64:11؛ شیوەن 1:7)، و «باش» یان «بە نرخ» (2 مێژووی 36:19) وەرگێڕدراوە. لە هەموو حاڵەتێکدا ئەوە نیشان دەدات کە بەهای باڵای هەیە بۆ خاوەنەکەی.
کاتێک دەڵێین، «ئەو بە گشتی جوانە،» ئێمە دەڵێین کە گەورەکەمان بۆ ئێمە هەموو ئەوەیە کە ژنی حیزقیل بۆ مێردەکەی بوو، هەموو ئەوەی کە منداڵەکان بۆ دایک و باوکیان بوون، ئەوەی کە پەرستگا بۆ جولەکەیەک بوو و ئەوەی کە باشترین موڵک و ماڵی زەمینی بۆ ئیسرائیلییەک بوو – و زۆر زیاتر. زاوای بێسنوور سەرنجڕاکێشمان تەنها ئامانجی باڵای تێرکەری ئارەزووە. هیچ ئارەزوویەکی بێ گوناه نییە کە دڵی مرۆڤ توانای هەبێت و نەتوانێت تێرکردنی تەواوی خۆی لە مەسیحدا بدۆزێتەوە! جگە لەوەش، شتێکی تری سەرنجڕاکێش هەیە دەربارەی ووشەکە مەخماد: لە هەموو حاڵەتێکدا جگە لە گۆرانی سولەیمان 5:16، ئامانجی زۆر خواستراو لادەبرێت! ژنی حیزقیل دەمرێت. منداڵەکانی ئەفرایم دەکوژرێن، پەرستگا وێران دەکرێت، هەموو شتە خۆشەکانی ژیان دەدزرێن.
چی فێر دەبین لەمەوە؟ ئایا ئەوە نییە کە چونکە هەموو ئامانجەکانی تری ئارەزوومان لە کۆتاییدا تێدەپەڕن، ئەگەر شتێک کەمتر لە مەسیح بکەینە ئامانجمان، بێگومان نائومێد دەبین؟ تەنها ئەو بۆ هەمیشە ئەوە دەبێت کە ئەمڕۆیە، «بە گشتی جوانە.» ئایا دەتوانین بە ڕاستگۆیی ووشەکانی زەبووربێژ دووبارە بکەینەوە، «هیچ کەسێک لەسەر زەوی نییە کە جگە لە تۆ ئارەزووی بکەم»؟ (زەبوور 73:25). چەندێک لە جوانییەکەی دەزانین؟
