«کەواتە ئەگەر کەسێک لە مەسیحدا بێت، ئەوا دروستکراوێکی نوێیە؛ شتە کۆنەکان تێپەڕیون؛ سەیری بکە هەموو شتێک نوێ بووەتەوە» (٢ کۆرنسۆس ٥:١٧)
چی ڕوودەدات کاتێک پیاوێک ڕزگاری دەبێت؟ گۆڕانکاری زۆر زیاترە لە تەنها ڕزگاربوون لە سزای خودا یان لە دۆزەخ. بۆ ئەوەی بە دروستی لە تەواوی ڕادەی ڕزگارییەکەمان تێبگەین، پێویستە بزانین لە چی ڕزگار کراوین و بۆ چی ڕزگار کراوین.
ئێمە لە تاریکییەوە بۆ ڕووناکیی سەرسوڕهێنەری خودا ڕزگار کراوین. ئێمە لە کۆیلایەتی شەیتانەوە بۆ ئازادی کوڕانی خودا ڕزگار کراوین. لە سزای ئەبەدییەوە بۆ شکۆمەندی ئەبەدیی خودا ڕزگار کراوین. لە لەناوچوونی ئەبەدی و بۆ ژیانی ئەبەدی. بەڵێ، ئێمە لە جیابوونەوەی ئەبەدی لە خودا ڕزگار کراوین و ئەو ئێمەی بۆ هاوبەشی ئەبەدی لە ئامادەبوونی سەرسوڕهێنەری خۆیدا ڕزگار کرد.
ئێمە لە ئازار و ناخۆشی ئەبەدی ڕزگار کراوین و بۆ خۆشی ئەبەدی و چێژوەرگرتن لە خودا خۆی لە بەهەشتدا ڕزگار کراوین. سوپاس بۆ خودا بۆ ئەم ڕزگارییە سەرسوڕهێنەرەی کە پێی بەخشیویت ئەگەر متمانەت بە عیسای مەسیح کردبێت.
