ڕووناکی ڕۆژانە, نیسان ١٥: بەڵام ئەوەی دەیانکڕێتەوە بەهێزە

بەڵام ئەوەی دەیانکڕێتەوە بەهێزە.

یەرمیا ٥٠:٣٤

دەزانم یاخیبوونەکانتان زۆرن، گوناهەکانتان گەورەن.

ئامۆس ٥:١٢

بە خۆشەویستانی خۆتت فەرموو: «هێزم بە پاڵەوانێک بەخشی.

زەبوورەکان ٨٩:١٩

من کە یەزدانم ڕزگارکەری تۆم، ئەوەش کە دەتکڕێتەوە توانادارەکەی یاقوبە.

ئیشایا ٤٩:٢٦

مەزنم بۆ ڕزگاری.

ئیشایا ٦٣:١

بۆ ئەوەی توانای هەیە لە کەوتن بتانپارێزێت.

یەهوزا ١:٢٤

بەڵام لەکوێ گوناه زۆر بوو، نیعمەت زۆر زیاتر بوو.

ڕۆما ٥:٢٠

ئەوەی باوەڕی پێ بهێنێت حوکم نادرێت، بەڵام ئەوەی باوەڕ ناهێنێت ئەوا حوکم دراوە، چونکە باوەڕی بە ناوی کوڕە تاقانەکەی خودا نەهێناوە.

یۆحەنا ٣:١٨

بەو هۆیەوە دەتوانێ ئەوانە بە تەواوی ڕزگار بکات کە لە ڕێگەی ئەوەوە دەچنە لای خودا.

عیبرانییەکان ٧:٢٥

ئایا دەستکورت بووم لە کڕینەوە؟ ئایا توانای فریاکەوتنم نییە؟

ئیشایا ٥٠:٢

کێ لە خۆشەویستی مەسیح جیامان دەکاتەوە؟ ... چونکە دڵنیام نە مردن و نە ژیان، نە فریشتەکان و نە سەرۆکەکان، نە شتەکانی ئێستا و نە شتەکانی داهاتوو، نە هێزەکان، نە بەرزی و نە قووڵی، نە بەدیهێنراوی دیکە، ناتوانێت لە خۆشەویستی خودا جیامان بکاتەوە کە لە ڕێگەی عیسای مەسیحی خاوەن شکۆمانەوە بۆمان دێت.

ڕۆما ٨:٣٥, ٣٨–٣٩

ئایا ئیتر تۆ داوای شتی گەورە بۆ خۆت دەکەیت؟ داوا مەکە.

یەرمیا ٤٥:٥

نیری من بخەنە سەر خۆتان و لە منەوە فێربن، چونکە دڵنەرم و بێفیزم، حەسانەوەش بۆ دەروونتان دەدۆزنەوە.

مەتا ١١:٢٩

وەک عیسای مەسیح بیر بکەنەوە: ئەوەی بە سروشتی خۆی خودایە، نەیویست یەکسانییەکەی لەگەڵ خودا بۆ خۆی بقۆزێتەوە، بەڵکو خۆی کردە هیچ، شێوەی بەندەی وەرگرت، وەک مرۆڤی لێهات، کە بە ڕوخساری مرۆڤ بینرا، خۆی نزم کردەوە و هەتا مردن ملکەچ بوو،تەنانەت مردنی سەر خاچ.

فیلیپی ٢:٥–٨

ئەوەی خاچەکەی هەڵنەگرێت و دوام نەکەوێت شایانی من نییە.

مەتا ١٠:٣٨

لەبەر ئەوەی مەسیحیش لە پێناوتاندا ئازاری چێژت و نموونەی بۆ بەجێهێشتن، تاکو بە هەنگاوەکانیدا بڕۆن.

یەکەم پەترۆس ٢:٢١

بەڵام لەخواترسی ئەگەر بە قایلبوون بێت قازانجێکی گەورەیە. لەبەر ئەوەی هیچمان نەهێناوە بۆ جیهان، ئاشکرایە ناتوانین هیچیشی لێ ببەینە دەرەوە. جا ئەگەر خواردن و پۆشاکمان هەیە با پێی ڕازیبین.

یەکەم تیمۆساوس ٦:٦–٨

چونکە فێربووم لە هەر دۆخێکدا بم خۆبژێو بم.

فیلیپی ٤:١١