ڕووناکی ڕۆژانە, ئازار ١: بەڵام بەروبوومی ڕۆحی پیرۆز ئەمەیە

بەڵام بەروبوومی ڕۆحی پیرۆز ئەمەیە.

گەلاتیا ٥:٢٢

ئەوەی لە خۆشەویستیدا دەژیێت، ئەوا بە یەکگرتوویی لەگەڵ خودا دەژیێت، خوداش بە هەمان شێوە لەگەڵ ئەودا دەژیێت.

یەکەم یۆحەنا ٤:١٦

چونکە خۆشەویستی خودا ڕژاوەتە ناو دڵمان، بە ڕۆحی پیرۆز کە پێمان دراوە.

ڕۆما ٥:٥

بۆیە بۆ ئێوە کە باوەڕتان هێناوە ئەم بەردە گرانبەهایە.

یەکەم پەترۆس ٢:٧

خۆشماندەوێت، چونکە یەکەم جار ئەو خۆشیویستووین.

یەکەم یۆحەنا ٤:١٩

خۆشەویستی مەسیح دیلی کردووین، چونکە دڵنیاین لەوەی کە یەکێک لە جیاتی هەموو خەڵک مرد، بۆیە هەموو خەڵک مردن. ئەو لەبری هەمووان مرد تاکو زیندووان ئیتر بۆ خۆیان نەژین، بەڵکو بۆ ئەو کەسەی لە پێناویان مرد و هەستایەوە.

دووەم کۆرنسۆس ٥:١٤–١٥

چونکە خۆتان لە خوداوە فێربوون یەکتریتان خۆشبوێ.

یەکەم سالۆنیکی ٤:٩

ڕاسپاردەی من ئەمەیە: یەکتریتان خۆشبوێ وەک خۆشمویستن.

یۆحەنا ١٥:١٢

لە سەرووی هەموو شتێکەوە خۆشەویستیتان بۆ یەکتری بەهێز بێت، چونکە خۆشەویستی گوناهی زۆر دادەپۆشێت.

یەکەم پەترۆس ٤:٨

لە خۆشەویستیدا بژین، وەک مەسیح خۆشیویستین و لە پێناوی ئێمەدا خۆی بەختکرد، قوربانییەک و سەربڕاوێک، بۆنخۆش بۆ خودا.

ئەفەسۆس ٥:٢

موساش قوربانگایەکی دروستکرد و ناوی لێنا «یەزدان ئاڵای منە» و.

دەرچوون ١٧:١٥

ئەگەر خودا لەگەڵمان بێت، کێ دژمانە؟

ڕۆما ٨:٣١

یەزدان لەلای منە، ناترسم، مرۆڤ دەتوانێت چیم لێ بکات؟

زەبوورەکان ١١٨:٦

بەڵام بۆ ئەوانەی ترسی تۆیان لە دڵدایە.

زەبوورەکان ٦٠:٤

یەزدان ڕووناکی و ڕزگاریی منە، لە کێ بترسم؟ یەزدان قەڵای ژیانی منە، لە کێ بتۆقم؟ ئەگەر لەشکرێکیش دەورم بدات، دڵم ناترسێت. ئەگەر جەنگ بەرپا بکەن دژم، ئەو کاتەش هەر دڵنیا دەبم.

زەبوورەکان ٢٧:١, ٣

خودا لەگەڵماندایە و ئەو سەرکردەمانە.

دووەم پوختەی مێژوو ١٣:١٢

یەزدانی سوپاسالار لەگەڵمانە، خودای یاقوب پەناگامانە.

زەبوورەکان ٤٦:٧

ئەوانە لەگەڵ بەرخەکە دەجەنگن و بەرخەکە دەیانبەزێنێت.

ئاشکراکردن ١٧:١٤

بۆچی نەتەوەکان دەوروژێن و گەلان پیلان لە شتی پووچ دەگێڕن؟ ئەوەی لە ئاسمان دانیشتووە پێدەکەنێت، پەروەردگار گاڵتەیان پێ دەکات.

زەبوورەکان ٢:١, ٤

ڕاوێژ بکەن، پووچ دەبێت، قسە بکەن، سەرناگرێت، چونکە خودا لەگەڵمانە.

ئیشایا ٨:١٠