ڕووناکی ڕۆژانە, تەمووز ٢٦: هەستن و بڕۆن! (میخا ٢:١٠)

بە باوەڕ کاتێک ئیبراهیم بانگکرا بچێتە ئەو شوێنەی خەریک بوو بە میرات وەریبگرێت، گوێڕایەڵ بوو و ڕۆیشت.

عیبرانییەکان ١١:٨

میراتی بۆ هەڵبژاردین، ئەو خاکە کە شانازی نەوەی یاقوبە.

زەبوورەکان ٤٧:٤

دەوری دا و بایەخی پێیدا، وەک گلێنەی چاوی پاراستی. وەک هەڵۆ هێلانەی خۆی دەهەژێنێت، لەسەر بێچووەکانی باڵەفڕکێ دەکات، باڵەکانی لێک دەکاتەوە و دەیبات، لەسەر شاپەڕەکانی هەڵیدەگرێت. ئاوا یەزدان بە تەنها ڕابەرایەتی کرد، هیچ خوداوەندێکی بێگانەی لەگەڵ نەبوو.

دواوتار ٣٢:١٠–١٢

من یەزدانی پەروەردگارتانم، فێرتان دەکەم بۆ ئەوەی سوود وەربگرن، بەو ڕێگایەدا دەتانبەم کە دەبێت بیگرنەبەر.

ئیشایا ٤٨:١٧

کێ وەک ئەو مامۆستایە؟

ئەیوب ٣٦:٢٢

چونکە بە باوەڕ دەڕۆین نەک بە بینراو.

دووەم کۆرنسۆس ٥:٧

لەبەر ئەوەی لێرەدا هیچ شارێکمان بۆ نامێنێتەوە، بەڵام داوای ئەو شارە دەکەین کە لە داهاتوودا دێت.

عیبرانییەکان ١٣:١٤

خۆشەویستان، ئێوە نامۆ و بێگانەن بەم جیهانە، هەر بۆیە لێتان دەپاڕێمەوە لە هەوەسەکانی جەستە دوور بکەونەوە، کە لە دژی دەروون دەجەنگن.

یەکەم پەترۆس ٢:١١

هەستن و بڕۆن! چونکە ئەمە شوێنی حەسانەوە نییە، لەبەر ئەوەی گڵاو بوو، وێران بوو، وێرانبوونێکی خراپ.

میخا ٢:١٠

بە یەزدان شاد بن، ستایشی ناوە پیرۆزەکەی بکەن.

زەبوورەکان ٩٧:١٢

کەواتە ئاسمان لەبەرچاوی بێگەرد نییە، ئیتر مرۆڤ کە ناڕەوایی وەک ئاو دەخواتەوە دەبێت چەند قێزەون و گەندەڵ بێت؟

ئەیوب ١٥:١٥–١٦

ئەستێرەکانیش بێگەرد نین، ئیتر چۆن مرۆڤ بێگەرد دەبێت کە مۆرانەیەکە.

ئەیوب ٢٥:٥–٦

ئەی یەزدان، کێ لەنێو خوداوەندەکان وەک تۆیە؟ کێ وەک تۆ پایەبەرزە لە پیرۆزی، سامناک لە شکۆمەندی.

دەرچوون ١٥:١١

یەزدانی سوپاسالار پیرۆزە، پیرۆزە، پیرۆزە!

ئیشایا ٦:٣

بەڵکو هەروەک ئەوەی بانگی کردوون پیرۆزە، ئێوەش لە هەموو هەڵسوکەوتێک پیرۆز بن، چونکە نووسراوە: ﴿پیرۆز بن، چونکە من پیرۆزم.﴾.

یەکەم پەترۆس ١:١٥–١٦

تاکو بەشداری پیرۆزییەکەی بکەین.

عیبرانییەکان ١٢:١٠

چونکە پەرستگای خودا پیرۆزە، ئێوە ئەو پەرستگایەن.

یەکەم کۆرنسۆس ٣:١٧

ئیتر پێویستە ئێوە چ جۆرە کەسانێک بن؟ دەبێت بە پیرۆزی و لەخواترسی بژین ... تێبکۆشن بۆ ئەوەی بێ لەکەیی و بێ گلەیی لە ئاشتیدا لەلای ئەو بدۆزنەوە.

دووەم پەترۆس ٣:١١, ١٤

وشەی خراپ لە دەمتان دەرنەچێت، بەڵکو هەرچییەکی باشە بۆ بنیادنان، بەگوێرەی پێویستی ... ڕۆحی پیرۆزی خودا خەمبار مەکەن، ئەوەی بۆ ڕۆژی ڕزگاری پێی مۆرکران.

ئەفەسۆس ٤:٢٩–٣٠