ڕووناکی ڕۆژانە, ئەیلوول ٢٢: با بیرکردنەوەم شیرین بێت لەلای

با بیرکردنەوەم شیرین بێت لەلای، منیش بە یەزدان دڵخۆش دەبم.

زەبوورەکان ١٠٤:٣٤

وەک دار سێو لەنێو دارەکانی دارستان دڵدارەکەم ئاوایە لەناو کوڕان. حەزم لە دانیشتنە لە سێبەرەکەی مێوەکەشی بۆ دەمم شیرینە.

گۆرانی گۆرانییەکان ٢:٣

لەناو هەورەکان کێ هاوتای یەزدانە؟ لەنێو فریشتەکانی ئاسمان کامەیان لە یەزدان دەچێت؟

زەبوورەکان ٨٩:٦

دڵدارەکەم سوور و گەشاوەیە، لەناو دە هەزار کەسدا دیارە.

گۆرانی گۆرانییەکان ٥:١٠

کاتێک مروارییەکی گرانبەها دەدۆزێتەوە.

مەتا ١٣:٤٦

نۆبەرەی هەستانەوەی نێو مردووانە و سەرۆکی پاشاکانی سەر زەوییە.

ئاشکراکردن ١:٥

سەری زێڕی بێگەردە، زولفی بەرداوەتەوە، ڕەشە وەک قەلەڕەش.

گۆرانی گۆرانییەکان ٥:١١

لە سەرووی هەموو شتێکدا کردییە سەر بۆ کڵێسا.

ئەفەسۆس ١:٢٢

ئەو سەری جەستەیە کە کڵێسایە.

کۆلۆسی ١:١٨

گۆناکانی وەک باخچەی بۆندارن، بۆنیان خۆشە.

گۆرانی گۆرانییەکان ٥:١٣

بەڵام نەیتوانی خۆی بشارێتەوە.

مەرقۆس ٧:٢٤

لێوەکانی سەوسەنن، موڕی شلیان لێ دەتکێت.

گۆرانی گۆرانییەکان ٥:١٣

هەرگیز کەس وەک ئەمە قسەی نەکردووە!

یۆحەنا ٧:٤٦

ڕوخساری وەک لوبنانە، هەڵبژاردە وەک ئورز.

گۆرانی گۆرانییەکان ٥:١٥

با ڕوخسارت بەسەر خزمەتکاری خۆتدا بدرەوشێتەوە.

زەبوورەکان ٣١:١٦

ئەی یەزدان، با ڕووناکی ڕووی تۆ بەسەرماندا هەڵبێت.

زەبوورەکان ٤:٦

ئەگەر دەکرێت، با ئەم جامەم لێ دوور بخرێتەوە، بەڵام نەک بە خواستی من، بەڵکو بە خواستی تۆ.

مەتا ٢٦:٣٩

ئێستا خەمبارم، چی بڵێم؟ ”باوکە لەم کاتە ڕزگارم بکە“؟ بەڵام نەخێر، من بۆ ئەم کاتە هاتووم.

یۆحەنا ١٢:٢٧

من لە ئاسمانەوە دابەزیوم، نەک بۆ ئەوەی خواستی خۆم ئەنجام بدەم، بەڵکو خواستی ئەوەی ناردوومی.

یۆحەنا ٦:٣٨

کە بە ڕوخساری مرۆڤ بینرا، خۆی نزم کردەوە و هەتا مردن ملکەچ بوو،تەنانەت مردنی سەر خاچ.

فیلیپی ٢:٨

عیسا لە ماوەی ژیانی لەسەر زەوی، بە هاواری توند و فرمێسکەوە نوێژ و پاڕانەوەی پێشکەش بە خودا کرد، ئەوەی توانای ڕزگارکردنیی هەبوو لە مردن، ئیتر لەبەر لەخواترسییەکەی گوێی لێ گیرا. هەرچەندە عیسا کوڕی خودا بوو، بەڵام بەو ئازارانەی کە چێژتی فێری گوێڕایەڵی بوو و.

عیبرانییەکان ٥:٧–٨

ئایا وا دەزانیت ناتوانم بانگی باوکم بکەم و زیاتر لە دوازدە لەشکر فریشتەم بۆ بنێرێت؟

مەتا ٢٦:٥٣

ئاوا نووسراوە، کە مەسیح ئازار دەچێژێت و لە ڕۆژی سێیەم لەنێو مردووان هەڵدەستێتەوە، بە ناوی ئەویش تۆبەکردن بۆ لێخۆشبوونی گوناه بۆ هەموو گەلان جاڕبدرێت، ئەمەش لە ئۆرشەلیمەوە دەستپێدەکات.

لۆقا ٢٤:٤٦–٤٧