ڕووناکی ڕۆژانە, شوبات ١٦: ئای لە منی مرۆڤی بەدبەخت!

مایەی سەرسوڕمانی نییە کە پاکیزەکان تۆیان خۆشدەوێ.

گۆرانی گۆرانییەکان ١:٣

وەک مەسیح خۆشیویستین و لە پێناوی ئێمەدا خۆی بەختکرد، قوربانییەک و سەربڕاوێک، بۆنخۆش بۆ خودا.

ئەفەسۆس ٥:٢

بۆیە بۆ ئێوە کە باوەڕتان هێناوە ئەم بەردە گرانبەهایە.

یەکەم پەترۆس ٢:٧

لەبەر ئەوە خودا زۆر بەرزی کردەوە و ئەو ناوەی دایێ کە لە سەرووی هەموو ناوێکەوەیە، تاکو بە ڕاگەیاندنی ناوی عیسا هەموو ئەژنۆیەک چۆک دابدات.

فیلیپی ٢:٩–١٠

خودا بە هەموو پڕیی خۆی لە جەستەی مەسیحدا نیشتەجێیە.

کۆلۆسی ٢:٩

ئەگەر منتان خۆشبوێ کار بە ڕاسپاردەکانم دەکەن.

یۆحەنا ١٤:١٥

چونکە خۆشەویستی خودا ڕژاوەتە ناو دڵمان، بە ڕۆحی پیرۆز کە پێمان دراوە.

ڕۆما ٥:٥

ئینجا بە قژی پێیەکانی عیسای سڕییەوە و ماڵەکەش پڕبوو لە بۆنی خۆش.

یۆحەنا ١٢:٣

سەرسام بوون و بۆیان دەرکەوت کە ئەم پیاوانە پێشتر لەگەڵ عیسادا بوون.

کردار ٤:١٣

ئەی یەزدانی پەروەردگارمان، ناوت لە سەراپای زەویدا چەند شکۆدارە! تۆ شکۆمەندی خۆتت خستووەتە سەرووی ئاسمان.

زەبوورەکان ٨:١

ناوی لێ دەنێن ئیمانوێل،﴾ کە بە واتای خودا لەگەڵمانە دێت.

مەتا ١:٢٣

ناوی لێ دەنرێت سەرسوڕهێنەر و ڕاوێژکار، خودای بەتوانا، باوکی هەتاهەتایی، میری ئاشتی.

ئیشایا ٩:٦

ناوی یەزدان قوللەیەکی بەهێزە، کەسی ڕاستودروست بۆ ئەوێ ڕادەکات و پەناگیر دەبێت.

پەندەکانی سلێمان ١٨:١٠

لەبەر ئەوەی لەم چادرەداین لەبەر بارگرانی دەناڵێنین.

دووەم کۆرنسۆس ٥:٤

ئەی پەروەردگار، هەموو ئارەزووەکانم لەپێش چاوتە، ئاخ هەڵکێشانم لە تۆ شاردراوە نییە. تاوانەکانم بەسەر سەرم کەوتوون، وەک بارێکی گران کە توانام نییە هەڵیبگرم.

زەبوورەکان ٣٨:٩, ٤

ئای لە منی مرۆڤی بەدبەخت! کێ فریام دەکەوێت لەدەست ئەم جەستەیەم کە بۆ مردنە؟

ڕۆما ٧:٢٤

دەزانین هەموو بەدیهێنراوان هەتا ئێستا بەیەکەوە دەناڵێنن و ژانیان گرتووە. تەنها ئەمە نا، بەڵکو ئێمە کە یەکەمین بەرهەمی ڕۆحی پیرۆزمان وەرگرت، لە ناخماندا دەناڵێنین و بە پەرۆشەوە چاوەڕێی لەخۆگرتنەوەین، واتا ڕزگاریی جەستەمان.

ڕۆما ٨:٢٢–٢٣

ئەمانە دڵخۆشتان دەکات، هەرچەندە لەوانەیە بۆ ماوەیەکی کەم ناچار بن بە دەست تاقیکردنەوەی جۆراوجۆرەوە ئازار بچێژن.

یەکەم پەترۆس ١:٦

چونکە دەزانم بە زوویی ئەم جیهانە بەجێدەهێڵم.

دووەم پەترۆس ١:١٤

چونکە هەر دەبێ ئەو سروشتە فەوتاوە نەفەوتاوی بپۆشێت و سروشتی مردوو نەمری بپۆشێت. کاتێک فەوتاو نەفەوتاویی دەپۆشێت و مردن نەمریی دەپۆشێت، ئەوسا وشەی نووسراو دێتە دی: ﴿مردن بە سەرکەوتن لووش دراوە.﴾.

یەکەم کۆرنسۆس ١٥:٥٣–٥٤