دەقەکەمان ئەمڕۆ دەنگدانەوەیەکی تایبەتی دەبوو بۆ ئەم باوەڕدارە عیبرانییانە کە لە نێوان گەڕانەوە بۆ سیستەمی پەرستگا لە ئۆرشەلیم و بەردەوامبوون لە ڕێگای باوەڕ بە عیسای مەسیحدا دوودڵ بوون. ئەم نامەیە وەڵامێکی تەواوی بۆیان هەبوو بە ئاماژەکردن بە یاسای موسا، کە بە تەواوی متمانەیان پێی بوو وەک ئیلهام وەرگیراو لە خوداوە، ئاماژەی پێکردن بۆ شارەکانی پەناگە کە لە ژمارەکان ٣٥دا هەن.
ڕۆحی پیرۆز ئاماژە بە تەواوکردنەکە دەکات: «بۆ ئەوەی … دڵنەوایى بەهێزمان هەبێت، ئێمەى پەنامان بۆ برد بۆ گرتنی ئەو هیوایەی لەبەردەممان دانراوە» (٦:١٨). خودا بیریان دەخاتەوە کە «پەنایان بردووە» بۆ مەسیح. بەپێی یاسا، کاتێک ئیسرائیلییەک بەبێ مەبەست کەسێکی کوشتبا، و دەبووە بکوژ، پەناگەیەکی هەبوو کە دەیتوانی بۆی ڕابکات بۆ ئەوەی لە تۆڵەسەندنەوە و مردن ڕزگاری بێت. وەک جولەکە، ئەم مەسیحییانە تاوانبار بوون بە مردنی مەسیح بەهۆی پەیوەندییان بە نەتەوەکەوە. ئەوان بە ئەنقەست مەسیحەکەیان نەکوشتبوو؛ بۆیە ئەوان بکوژ بوون. چەندین ساڵ پێش ئەم نامەیە، نێردراو پتر پێیانی وت سەبارەت بە خاچدانی مەسیح، «دەزانم ئێوە بە نەزانی ئەوەتان کرد، وەک حاکمەکانیشتان» (کردارەکان ٣:١٧).
لە شاری پەناگەدا ئیسرائیلی تاوانبار پارێزراو بوو تا کاتێک سەرۆک کاهینەکە دەژیا (ژم. ٣٥:٢٥)؛ دەیتوانی بمێنێتەوە تا مردنی ئەو سەرۆک کاهینە. ڕاستییە سەرسوڕهێنەرەکەی عیبرانییەکان ئەوەیە کە ئەم سەرۆک کاهینە گەورەیە، عیسای مەسیح، «هەمیشە دەژی» بۆ ئەوەی نێوەندگیریمان بۆ بکات (عیب. ٧:٢٥). ئەو کاهینێکە بۆ هەتاهەتایە بەپێی پلەى مەلکیسیدق. ئەو هەرگیز نامرێت: بۆیە باوەڕدارە جولەکەکان پارێزراو بوون. ئەمە بۆ ئێمەش ڕاستە، کە بە باوەڕ هاتووینەتە لای. ئەو هیوای ئێمە و لەنگەرمانە!
