«ئینجا لە ڕۆژی سێیەمدا ئیبراھیم چاوەکانی بەرز کردەوە و شوێنەکەی لە دوورەوە بینی. ئیبراھیم بە گەنجەکانی گوت: «ئێوە لێرە لەگەڵ کەرەکە بمێننەوە؛ من و کوڕەکە دەچینە ئەوێ و پەرستش دەکەین، پاشان دەگەڕێینەوە لاتان.» ئیبراھیم داری قوربانی سووتاندنی ھەڵگرت و خستییە سەر ئیسحاقی کوڕی؛ ئاگر و چەقۆیەکی لە دەست گرت؛ ھەردووکیان پێکەوە ڕۆیشتن. ئیسحاق قسەی لەگەڵ ئیبراھیمی باوکی کرد و گوتی: «باوکە!» ئەویش گوتی: «لێرەم، کوڕم.» ئیسحاق گوتی: «ئەوە ئاگر و دارەکە، بەڵام بەرخەکە لە کوێیە بۆ قوربانی سووتاندن؟» ئیبراھیم گوتی: «کوڕم، خودا خۆی بەرخێک بۆ قوربانی سووتاندن دابین دەکات.» جا ھەردووکیان پێکەوە ڕۆیشتن. گەیشتنە ئەو شوێنەی کە خودا پێی گوتبوو؛ ئیبراھیم لەوێ قوربانگایەکی دروست کرد و دارەکانی ڕێکخست، ئیسحاقی کوڕی بەستەوە و خستییە سەر قوربانگاکە لەسەر دارەکان. ئیبراھیم دەستی درێژ کرد و چەقۆکەی گرت بۆ ئەوەی کوڕەکەی سەرببڕێت.» (سەفەری پیدایش ٢٢:٤-١٠)
ھیچ ئاماژەیەک لە دەقی سەفەری پیدایش ٢٢دا نییە کە ئیبراھیم ھیچ شتێکی لەبارەی بەشداریکردنی ئیسحاقەوە ئاشکرا کردبێت لەوەی کە دەیکرد تاوەکو ئیسحاق خۆی پرسیارەکەی وروژاند.
سێ ڕۆژ گەشت ھەبوو کە تێیدا ملکەچبوونی ئیسحاق بۆ باوکی وەک کوڕێکی دڵسۆز بوو. چەندین نموونە لە تۆمارەکانی باوکاندا ھەیە کە بەڵگە دەدەن لەسەر ئەوەی کە دەسەڵاتی باوکانە ڕەھا بوو. ئەمەش وای کرد کە خێزانەکە بە توندی پابەند بێت بەو بنەمایانەی کە ڕەفتارەکانیان ڕێکدەخست و داھاتوویان دەپاراست. کوڕەکان بە ئارەزوومەندانە ملکەچی باوکەکانیان دەمانەوە تا مردنیان. مامەڵەکانی ئیسحاق لەگەڵ یاقوب و عیسۆ و ئەوانەی یاقوب لەگەڵ کوڕەکانی ھەموویان شایەتی ئەمەن. کەواتە ملکەچبوون و دڵسۆزی ئیسحاق لەم خاڵەدا کوڕانەیە، واتە، وەک کوڕێکی خۆشەویست.
تۆمارەکانی ئینجیل بەڵگەی زۆرمان پێدەدەن لەسەر ئەو جۆرە دڵسۆزی و ملکەچبوونە کوڕانەیەی گەورەمان عیسا بۆ باوکی. نێردراو یۆحەننا زۆرجار نزیکایەتییە دڵخۆشکەرەکانی باوک و کوڕ ڕاپۆرت دەکات. لە نوێژی ژووری سەرەوەی گەورەدا ئەم یەکێتییە لە مەبەست و بیردا دووبارە و دووبارە نیشان دەدرێت. لە وشەکانیدا کورتکراوەتەوە، «بەڵام بۆ ئەوەی جیھان بزانێت کە من باوکم خۆشدەوێت؛ و وەک چۆن باوک فەرمانی دا، بە ھەمان شێوە منیش دەکەم» (یۆحەننا ١٤:٣١). نامەی عیبرانییەکان بیرمان دەخاتەوە، «ھەرچەندە کوڕ بوو، بەڵام فێری گوێڕایەڵی بوو بەو شتانەی کە ئازاری چێژت» (عیبرانییەکان ٥:٨). ئەمە گوێڕایەڵیی ئەزموونی کوڕە لە ملکەچبووندا.
ئیسحاق کەمێک زانیاری ھەبوو لەسەر ئەوەی چی ڕوودەدات کاتێک گەیشتنە لووتکەی مۆریا. لەوێ، ئیبراھیم نەیدەتوانی چیتر ڕاستییەکە بشارێتەوە. ھەرچی ھەستەکانی بووبن، ھیچ چرپەیەک لە کەمترین ناڕەزایەتی لەلایەن ئیسحاقەوە نییە. ئەو متمانەیەکی تەواوی بە زانیاری ئیبراھیم لەبارەی خوداوە ھەبوو کە بە ئارەزوومەندانە خۆی ڕادەست کرد بۆ ئەوەی ببێتە قوربانی.
ملکەچبوونی مەسیح چەند تەواو بوو سەرەڕای ئەوەی بە تەواوی ئاگاداری ھەموو ئەوە بوو کە بەسەریدا دەھات.
تۆ ھیوات پێبەخشیم… من لەسەر تۆ فڕێدرام… تۆ خودای منی (زەبوورەکان ٢٢:٩-١٠)
متمانەی تەواوی لەو دەقانەدا دەبینرێت وەک زەبوورەکان ٤٠:٦-١٧ و ئیشایا ٥٠:٤-٩. سەیر نییە کە سەفەری پیدایش ٢٢ دوو جار تۆماری دەکات: «و ھەردووکیان پێکەوە ڕۆیشتن.»
ک.ڕ.
