زیاتر لە ٢,٠٠٠ ساڵ لەمەوبەر عیسای مەسیح لە بەهەشتەوە هاتە سەر ئەم زەوییە بۆ مردن لەسەر خاچ بۆ گوناهباران. پاشان لە مردووان هەستایەوە و گەڕایەوە بەهەشت.
بەڵێنێک درا
پێش ئەوەی بگەڕێتەوە بەهەشت عیسا فەرمووی،
من دەڕۆم بۆ ئەوەی شوێنێکتان بۆ ئامادە بکەم. و ئەگەر بڕۆم و شوێنێکتان بۆ ئامادە بکەم، دووبارە دێمەوە و وەرتان دەگرم بۆ لای خۆم؛ بۆ ئەوەی لەوێ بم، ئێوەش لەوێ بن (یۆحەننا ١٤:٢-٣).
چ بەڵێنێکی نایاب! عیسا گەڕایەوە بەهەشت بۆ ئامادەکردنی شوێنێک بۆ هەموو ئەوانەی باوەڕیان پێی هەیە وەک ڕزگارکەریان. پاشان دووبارە دێتەوە بۆ ئەوەی ئەوان بباتەوە بەهەشت لەگەڵ خۆی. چەند نایابە بۆ ئێمە کە ئەو وەک ڕزگارکەر و پەروەردگار دەناسین!
دەربارەی ئەم ڕووداوە، نێردراو پۆڵس پێمان دەڵێت کە «پەروەردگار (عیسای مەسیح) خۆی لە بەهەشتەوە دادەبەزێت بە هاوارێک، بە دەنگی سەرەفریشتەیەک، و بە کەڕەنای خودا. و مردووەکانی لە مەسیحدا یەکەم جار هەڵدەستنەوە. پاشان ئێمە کە زیندووین و ماوین دەگیرێینە سەرەوە لەگەڵیان لە هەورەکاندا بۆ چاوپێکەوتنی پەروەردگار لە ئاسماندا. و بەم شێوەیە هەمیشە لەگەڵ پەروەردگاردا دەبین» (١ تسالۆنیکی ٤:١٦-١٧).
تەنیا مەسیحییە ڕاستەقینەکان
عیسا لە بەهەشتەوە دێت بە هاوارێک کە تەنیا ئەوانەی هی ئەون گوێیان لێی دەبێت – ئەوانەی کە بە باوەڕ «لە خوداوە لەدایک بوون» (یۆحەننا ١:١٣). هەموو باوەڕدارانی مردوو هەڵدەستنەوە، و لەگەڵ باوەڕدارانی زیندوودا دەگۆڕدرێن (١ کۆرنسۆس ١٥:٥١-٥٢) و دەگیرێنە سەرەوە بۆ چاوپێکەوتنی پەروەردگار لە ئاسماندا. بەڵام تەنیا ئەوانەی کە ئەو وەک ڕزگارکەریان وەرگرتووە دەڕۆن. هەموو ئەوانەی کە بە شێوەیەکی کەسی مەسیحیان وەک ڕزگارکەر قبوڵ نەکردووە، بۆ دادگاییکردن جێدەهێڵدرێن.
ئەی تۆ چی؟
ئایا ئامادەیت بۆ هاتنی پەروەردگار؟ کاتێک ئەو دووبارە دێتەوە ئایا تۆ دەبرێیتە سەرەوە یان جێدەهێڵدرێیت؟ ئایا چاوەڕێی هاتنی مەسیح دەکەیت، یان بیرۆکەکە ناخۆشە بۆت؟
ئێستا خۆت ئامادە بکە!
عیسا دەتوانێت لە هەر کاتێکدا بێت! ئەگەر هێشتا لە گوناهەکانت ڕزگار نەکراویت، ئایا حەز ناکەیت ڕزگار بکرێیت، بۆ ئەوەی ئامادە بیت لەگەڵیدا بچیتە بەهەشت؟ دان بەوەدا بنێ کە گوناهباریت، لە گوناهەکانت تۆبە بکە، و مەسیح وەک ڕزگارکەرت قبوڵ بکە. دوای ئەوەی عیسا دووبارە دێتەوە زۆر درەنگ دەبێت، و دەرگای بەهەشت بۆ هەتاهەتایی لێت دادەخرێت!
