خودای هەرە بەرز لە پەرستگای دەستکرددا ناژی… ئاسمان تەختی منە و زەویش پێخۆری پێیەکانمە. (کردار ٧:٤٨-٤٩)چۆن دەتوانیت مەسیحی بیت و ئاگاداری سەروەریی خودا نەبیت کە تا مردن خۆشی ویستین؟
بۆ ئەوەی خودا سەروەر بێت، دەبێت فەرمانڕەوای ڕەها، بێسنوور، و بێ مەرج بێت لە هەموو بوارەکانی ئاسمان و زەوی و دەریا. بۆ ئەوەی خوداوەند بێت بەسەر هەموو دروستکراوەکاندا، دەبێت هەموو شتێک بتوانێت. دەبێت هەموو شتێک بزانێت. دەبێت لە هەموو شوێنێک ئامادە بێت.
بە هەموو ئەوەی لە ناخمدا هەیە، باوەڕم وایە کە ڕزگارکەری خاچدراو و هەستاوە و شکۆدار، عیسای مەسیح، خوداوەندی سەروەرە. ئەو فەرمان لە هیچ کەسێک وەرناگرێت. ئەو هیچ ڕاوێژکار و گوتەبێژێکی نییە.
ئەو هیچ سکرتێرێکی تەختی نییە. ئەو بە یەک کرداری بێ هەوڵ هەموو ئەوەی دەکرێت بزانرێت دەزانێت و ئەو پێشتر سبەینێیەکانی ئێمەی ژیاوە و جیهانی لەناو لەپی دەستیدا گرتووە.
ئەوە خوداوەندێکە کە من خزمەتی دەکەم! بە خۆشحاڵییەوە دان بەوەدا دەنێم کە من هی ئەوم؛ شکۆ بۆ خودا! مەسیحێک کە ئێمە دەیناسین و خزمەتی دەکەین بێسنوور لە سەرووی هەموو مرۆڤەکان و هەموو فریشتەکان و هەموو سەرۆک فریشتەکانەوەیە؛ لە سەرووی هەموو سەرۆکایەتی و دەسەڵات و فەرمانڕەواییەکانەوەیە، بینراو و نەبینراو—چونکە ئەو سەرچاوەی هەموویانە.
