ڕووناکی ڕۆژانە, تەمووز ٣٠: لەلای من نییە (ئەیوب ٢٨:١٤)

کەواتە بۆ ئەو شتانەی سەرەوە کۆشش بکەن، لەوێ مەسیح لە دەستەڕاستی خودا دانیشتووە.

کۆلۆسی ٣:١

دانایی بەدەستبهێنە، تێگەیشتن بەدەستبهێنە.

پەندەکانی سلێمان ٤:٥

بەڵام ئەو داناییەی لە ئاسمانەوەیە.

یاقوب ٣:١٧

قووڵایی ژێر زەوی دەڵێت: «لەناو مندا نییە،» دەریا دەڵێت: «لەلای من نییە.»

ئەیوب ٢٨:١٤

بۆیە بە لەئاوهەڵکێشان لەگەڵ ئەو بۆ مردن نێژراین، تاکو چۆن مەسیح لەنێو مردووان بە شکۆی باوکەوە هەستایەوە، ئێمەش ژیانێکی نوێ بژین. ئەگەر لە شێوەی مردنەکەی لەگەڵیدا یەکمانگرتبێت، لە هەستانەوەکەشی ئاوا دەبین.

ڕۆما ٦:٤–٥

با هەموو بارگرانییەک و ئەو گوناهانەی کە بە ئاسانی لێمان دەئاڵێت لە خۆمانی دوور بخەینەوە و بە دانبەخۆداگرتنەوە لەو پێشبڕکێیە ڕابکەین کە لەپێشمان دانراوە.

عیبرانییەکان ١٢:١

بەڵام خودا کە دەوڵەمەندە لە بەزەیی ... لەگەڵ مەسیح زیندووی کردینەوە ... خودا ئێمەی لەگەڵ عیسای مەسیحدا هەستاندەوە و بەهۆی ‏یەکبوون لەگەڵ ئەودا لە شوێنەکانی ‏ئاسمان دایناین.

ئەفەسۆس ٢:٤–٦

ئەوانەی ئەو شتانە دەڵێن، دەریدەخەن کە داوای نیشتیمان دەکەن.

عیبرانییەکان ١١:١٤

ئەی هەموو بێفیزەکانی سەر زەوی، ڕوو لە یەزدان بکەن، ئێوە ئەوانەی حوکمەکانی ئەو جێبەجێ دەکەن. داوای ڕاستودروستی بکەن.

سەفەنیا ٢:٣

نیقۆدیمۆس کە پێشتر هاتبووە لای عیسا و یەکێک بوو لەوان.

یۆحەنا ٧:٥٠

پەترۆسیش دووربەدوور بۆ حەوشەی ماڵی سەرۆکی کاهینان دوای کەوت.

مەتا ٢٦:٥٨

هەرچەندە ژمارەیەکی زۆر لە ڕابەرەکانیش باوەڕیان پێی هێنا، بەڵام لەبەر فەریسییەکان ڕایاننەدەگەیاند نەوەک لە کەنیشت دەربکرێن، چونکە شکۆی خەڵکیان لە شکۆی خودا زیاتر خۆشدەویست.

یۆحەنا ١٢:٤٢–٤٣

ترسی مرۆڤ تەڵە دەنێتەوە، بەڵام ئەوەی پشت بە یەزدان ببەستێت پەناگیر دەبێت.

پەندەکانی سلێمان ٢٩:٢٥

ئەوەش بێتە لام، هەرگیز دەریناکەم.

یۆحەنا ٦:٣٧

قامیشێکی کوتراو ناشکێنێت، پڵیتەیەکی پرتەپرتکەر ناکوژێنێتەوە.

ئیشایا ٤٢:٣

ئەگەر ئەوەندەی دەنکە خەرتەلەیەک باوەڕتان هەبێ.

مەتا ١٧:٢٠

چونکە خودا ڕۆحی ترسی پێمان نەبەخشیوە، بەڵکو ڕۆحی هێز و خۆشەویستی و خۆڕاگریی پێ بەخشیوین. بۆیە نە لە بەرامبەر پەیامەکە سەبارەت بە مەسیحی خاوەن شکۆمان و نە بەرامبەر بە من کە لە پێناوی ئەودا بەند کراوم هەست بە شەرمەزاری مەکە.

دووەم تیمۆساوس ١:٧–٨

ئێستا ڕۆڵە خۆشەویستەکان، بە یەکبوون لەگەڵ مەسیح پەیوەست بن تاکو کاتێک ئەو دەردەکەوێت متمانەمان هەبێت و لە هاتنەوەکەی شەرمی لێ نەکەین.

یەکەم یۆحەنا ٢:٢٨

بۆیە ئەوەی لەبەردەم خەڵک دانم پێدا بنێت، منیش لەلای باوکم کە لە ئاسمانە، دانی پێدا دەنێم.

مەتا ١٠:٣٢