ڕووناکی ڕۆژانە, ئاب ١٢: ئەی یاقوبی بەندەم (یەرمیا ٤٦:٢٨)

ڕووناکی ڕۆژانە

چونکە کەس بۆ هەتاهەتایە لەلایەن پەروەردگارەوە ڕەت ناکرێتەوە. لەگەڵ ئەوەی دڵتەنگی دەهێنێت، میهرەبانیش نیشان دەدات.

شینەکانی یەرمیا ٣:٣١–٣٢

ئەی یاقوبی بەندەم، ... چونکە من لەگەڵتدام. ... بەڵام تۆ بە تەواوی لەناو نابەم. لە سزا ناتبوورم.

یەرمیا ٤٦:٢٨

لەبەر ئەوەی لە دژی ئەو گوناهم کرد، بەرگەی تووڕەیی یەزدان دەگرم، هەتا بەرگری لە داواکەم دەکات و مافی من دێتە دی. دەمهێنێتە دەرەوە بۆ ناو ڕووناکی، ڕاستودروستی ئەو دەبینم.

میخا ٧:٩

تاکو داناکان شەرمەزار بن، لاوازەکانی هەڵبژارد تاکو بەهێزەکان شەرمەزار بن.

یەکەم کۆرنسۆس ١:٢٧

ئینجا نەوەی ئیسرائیل هاواریان بۆ یەزدان کرد و یەزدانیش ڕزگارکەرێکی بۆیان هەستاندەوە ... پیاوێکی چەپلەر بوو ... لەدوای ئێهود شەمگەری کوڕی عەنات بوو، کە شەش سەد پیاوی لە فەلەستییەکان بە گۆچانی گاوانی کوشت، هەروەها ئەویش ئیسرائیلی ڕزگار کرد.

ڕابەران ٣:١٥, ٣١

ئینجا یەزدان ئاوڕی لێدایەوە و گوتی: «بەم توانایەتەوە بڕۆ و ئیسرائیل لە دەستی میدیان ڕزگار بکە. من تۆ دەنێرم.» گدعۆنیش لێی پرسی: ئای گەورەم! ئیسرائیل بە چی ڕزگار بکەم؟ ئەوەتا خێڵەکەم بێهێزترین خێڵی مەنەشەیە و منیش لە ماڵی باوکم لە هەموویان بچووکترم.

ڕابەران ٦:١٤–١٥

ئینجا خودا بە گدعۆنی فەرموو: «ئەو پیاوانەی کە لەگەڵتدان بەلای منەوە زۆرن بۆ ئەوەی میدیانییەکان بدەمە دەستیان، نەوەک ئیسرائیل شانازی لەسەر من بکات و بڵێت: ”هێزی خۆم ڕزگاری کردم.“

ڕابەران ٧:٢

یەزدانی سوپاسالار دەفەرموێت، نە بە هێز و نە بە توانا، بەڵکو بە ڕۆحی من.“

زەکەریا ٤:٦

لە کۆتاییدا پێتان دەڵێم کە بە یەکبوون لەگەڵ مەسیحی باڵادەست و هێزە گەورەکەی بەهێز بن.

ئەفەسۆس ٦:١٠

هەڵبژاردەی کتێبی پیرۆز لە Daily Light on the Daily Path (موڵکی گشتی).

هەڵبژاردەکانی خوێندنەوە

ڕۆژەکانی دوایی

هەمووی ببینە

١١ی ئابی ٢٠٢١
عیبرانییەکان ٢:١٤ · دووەم تیمۆساوس ١:١٠
١٠ی ئابی ٢٠٢١
یۆحەنا ١٧:١٥ · فیلیپی ٢:١٥
٩ی ئابی ٢٠٢١
گۆرانی گۆرانییەکان ٤:٧ · ئیشایا ١:٥–٦
٨ی ئابی ٢٠٢١
پەندەکانی سلێمان ٤:١٨ · فیلیپی ٣:١٢
٧ی ئابی ٢٠٢١
یۆحەنا ١٤:٢٦ · یۆحەنا ٤:١٠
٦ی ئابی ٢٠٢١
پەندەکانی سلێمان ٣:١٢ · دواوتار ٣٢:٣٩
٥ی ئابی ٢٠٢١
ڕۆما ٦:٤ · ڕۆما ٦:١٩