ڕووناکی ڕۆژانە, ئازار ١١: با هەتاهەتایە مەسیح شکۆدار بێت!

” ’با یەزدان بەرەکەتدارت بکات و بتپارێزێت.

سەرژمێری ٦:٢٤

بەرەکەتی یەزدان دەوڵەمەندی بەدواوەیە و هیچ زەحمەتێکیش ناخاتە پاڵی.

پەندەکانی سلێمان ١٠:٢٢

بێگومان ئەی یەزدان، تۆ ڕاستودروستان بەرەکەتدار دەکەیت، بە ڕەزامەندی خۆت وەک قەڵغان دەوریان دەدەیت.

زەبوورەکان ٥:١٢

لێ ناگەڕێت پێت بخزێت، ئەوەی دەتپارێزێت خەواڵوو نابێت. یەزدان پارێزگاری تۆیە، یەزدان سێبەری تۆیە لەلای دەستی ڕاستت، یەزدان لە هەموو خراپەیەک دەتپارێزێت، گیانت دەپارێزێت. یەزدان پارێزگاری هاتوچۆت دەکات، لە ئێستاوە و بۆ هەتاهەتایە.

زەبوورەکان ١٢١:٣, ٥, ٧–٨

من یەزدانم، چاودێری ئەوم، هەموو ساتێک ئاوی دەدەم. بە شەو و بە ڕۆژ چاودێری دەکەم نەوەک ئازار بدرێت.

ئیشایا ٢٧:٣

ئەی باوکی پیرۆز، بە ناوی خۆت بیانپارێزە کە بە منت داوە ... کاتێک لەگەڵیان بووم بەو ناوەی کە تۆ بە منت دابوو دەمپاراستن و پاسەوانیم دەکردن.

یۆحەنا ١٧:١١–١٢

مەسیحی خاوەن شکۆ لە هەموو خراپەیەک دەربازم دەکات و ڕزگارم دەکات بۆ شانشینە ئاسمانییەکەی. با هەتاهەتایە مەسیح شکۆدار بێت! ئامین.

دووەم تیمۆساوس ٤:١٨

جا عیسا گریا.

یۆحەنا ١١:٣٥

پیاوی ئازار و شارەزای ناخۆشی.

ئیشایا ٥٣:٣

چونکە سەرۆک کاهینێکمان نییە کە نەتوانێت هاوخەمی لاوازییەکانمان بێت، بەڵکو سەرۆک کاهینێکمان هەیە کە وەکو ئێمە لە هەموو شتێک تاقی کراوەتەوە.

عیبرانییەکان ٤:١٥

لە خودا دەوەشایەوە، ئەوەی هەموو شتێک بۆ ئەو و بەهۆی ئەوەوەیە، کاتێک دەیویست ڕۆڵەی زۆر بهێنێتە نێو شکۆمەندییەکەی، دەبووایە عیسا کە پێشەنگی ڕزگارکردنیانە، لە ڕێگەی ئازارەوە بکاتە ڕزگارکەرێکی تەواو.

عیبرانییەکان ٢:١٠

هەرچەندە عیسا کوڕی خودا بوو، بەڵام بەو ئازارانەی کە چێژتی فێری گوێڕایەڵی بوو و.

عیبرانییەکان ٥:٨

منیش یاخی نەبووم، بەرەو دوا هەڵنەگەڕامەوە. پشتم ڕاگرت بۆ ئەوەی لێی بدەن، ڕوومەتیشم بۆ ئەوەی ڕیشم بڕننەوە. ڕووی خۆمم دانەپۆشی لە گاڵتەپێکردن و تفلێکردن.

ئیشایا ٥٠:٥–٦

سەیر بکەن، چەندی خۆشدەویست!

یۆحەنا ١١:٣٦

بە ڕاستی ئەوە بۆ یارمەتیدانی فریشتە نییە، بەڵکو بۆ یارمەتیدانی نەوەی ئیبراهیمە. لەبەر ئەوە پێویست بوو لە هەموو ڕووێکەوە لە خوشکان و برایانی بچێت تاکو ببێتە سەرۆک کاهینێکی بە بەزەیی و دڵسۆز لە خزمەتکردنی خودا، هەروەها ببێتە کەفارەت لە پێناوی گوناهەکانی خەڵک.

عیبرانییەکان ٢:١٦–١٧