ڕووناکی ڕۆژانە, نیسان ١: بەڵام بەروبوومی ڕۆحی پیرۆز ئەمەیە

بەڵام بەروبوومی ڕۆحی پیرۆز ئەمەیە: خۆشەویستی.

گەلاتیا ٥:٢٢

بەڵکو ڕاستودروستی و ئاشتی و خۆشییە لە ڕۆحی پیرۆزدا.

ڕۆما ١٤:١٧

ئێستاش نایبینن باوەڕی پێ دەهێنن و دڵخۆش دەبن بە شێوەیەک هەر باسی ناکرێت و شکۆدارە.

یەکەم پەترۆس ١:٨

وەک خەمبار، بەڵام هەردەم دڵشادین ... لە هەموو تەنگانەکانماندا پڕبووم لە دڵنەوایی و خۆشییەکی لە ڕادەبەدەر.

٢ Corinthians ٦:١٠; ٧:٤

بەڵکو لە تەنگانەشدا شانازی دەکەین.

ڕۆما ٥:٣

با سەرنجمان بخەینە سەر عیسا، پێشڕەو و تەواوکاری باوەڕمان، ئەوەی لە پێناوی ئەو خۆشییەی لەپێشی دانرابوو، بەرگەی خاچی گرت و شەرمەزاری بە سووک وەرگرت.

عیبرانییەکان ١٢:٢

ئەم شتانەم پێ گوتن تاکو خۆشیی منتان تێدابێت و خۆشیتان پڕ و تەواو بێت.

یۆحەنا ١٥:١١

چونکە هەروەک چۆن بەشداری زۆرمان کردووە لە ئازاری مەسیح، بە هەمان شێوە لە ڕێگەی مەسیحەوە دڵنەوایی زۆر دەکرێین.

دووەم کۆرنسۆس ١:٥

هەمیشە بە عیسای خاوەن شکۆ دڵشاد بن. دیسان دەیڵێمەوە، دڵشاد بن!

فیلیپی ٤:٤

چونکە خۆشی لە یەزدانەوە هێزتانە.

نەحەمیا ٨:١٠

تێربوون لە شادی لە ئامادەبوونتدایە، خۆشحاڵی هەتاهەتایی لەلای دەستەڕاستی تۆدایە.

زەبوورەکان ١٦:١١

چونکە بەرخەکەی ناوەڕاستی تەختەکە شوانایەتییان دەکات و بەرەو کانییەکانی ئاوی ژیانیان دەبات، خوداش هەموو فرمێسکەکانی چاویان دەسڕێتەوە.

ئاشکراکردن ٧:١٧

ئیتر گدعۆن لەوێ قوربانگایەکی بۆ یەزدان دروستکرد و ناوی لێنا «یەزدان ئاشتییە.» هەتا ئەمڕۆ لە عۆفرای ئەبیعەزەرییەکانە.

ڕابەران ٦:٢٤

بەڵام کوڕێکت دەبێت، دەبێتە پیاوی ئاشتی و حەسانەوە، لە هەموو دوژمنەکانی دەوروبەری دەیحەسێنمەوە. ناوی سلێمان دەبێت، لە ماوەی پاشایەتی ئەودا ئاشتی و ئارامی بە ئیسرائیل دەبەخشم.

یەکەم پوختەی مێژوو ٢٢:٩

ئەوەتا لە سلێمان مەزنتر لێرەیە.

مەتا ١٢:٤٢

چونکە کوڕێکمان دەبێت، کوڕێکمان پێدەدرێت و سەرکردایەتی دەکەوێتە سەرشانی. ناوی لێ دەنرێت سەرسوڕهێنەر و ڕاوێژکار، خودای بەتوانا، باوکی هەتاهەتایی، میری ئاشتی.

ئیشایا ٩:٦

ئینجا گەلی من لە ئاشتی و ئاوەدانی نیشتەجێ دەبێت و لە نشینگەی ئاسوودەیی و شوێنی پشوودانەکانیان بە ئارامی. تەرزە دەبارێت و دارستانەکان دەکوتێت، شارەکە بە تەواوی دەکەوێنێت.

ئیشایا ٣٢:١٨–١٩

لەبەر ئەوەی مەسیح ئاشتی ئێمەیە.

ئەفەسۆس ٢:١٤

ئەو دەبێتە ئاشتی ئێمە، کاتێک ئاشور هێرش بکاتە سەر خاکەکەمان و پێ بنێتە ناو قەڵاکانمان.

میخا ٥:٥

ئەوانە لەگەڵ بەرخەکە دەجەنگن و بەرخەکە دەیانبەزێنێت، چونکە گەورەی گەورانە و پاشای پاشایانە.

ئاشکراکردن ١٧:١٤

ئاشتیتان بۆ بەجێدەهێڵم، ئاشتی خۆمتان دەدەمێ.

یۆحەنا ١٤:٢٧