ڕووناکی ڕۆژانە, ئاب ٢٤: چونکە بە ئازارەکانیانم زانی

چونکە بە ئازارەکانیانم زانی.

دەرچوون ٣:٧

پیاوی ئازار و شارەزای ناخۆشی.

ئیشایا ٥٣:٣

بەڵکو سەرۆک کاهینێکمان هەیە کە وەکو ئێمە لە هەموو شتێک تاقی کراوەتەوە.

عیبرانییەکان ٤:١٥

﴿ئەو دەردەکانی ئێمەی هەڵگرت و نەخۆشییەکانمانی برد.﴾.

مەتا ٨:١٧

جا لەبەر ئەوەی کە عیسا لە گەشتەکە ماندوو بوو، لەلای بیرەکە دانیشت.

یۆحەنا ٤:٦

عیساش کە بینی دەگریێت و ئەو جولەکانەش کە لەگەڵی هاتبوون دەگریێن، کاری لە ڕۆحی کرد و خەمبار بوو.

یۆحەنا ١١:٣٣

جا عیسا گریا.

یۆحەنا ١١:٣٥

لەبەر ئەوەی خۆی ئازاری چێژتووە و تاقی کراوەتەوە، دەتوانێت یارمەتیی ئەوانەش بدات کە تاقی دەکرێنەوە.

عیبرانییەکان ٢:١٨

«یەزدان لە بەرزایی پیرۆزگای خۆیەوە دەڕوانێتە خوارێ، لە ئاسمانەوە سەیری زەوی دەکات، بۆ ئەوەی گوێی لە ناڵەی دیلەکان بێت، ئەوانە ئازاد بکات کە دراونەتە دەست مردن.»

زەبوورەکان ١٠٢:١٩–٢٠

بەڵام ڕێگام دەزانێت، دوای ئەوەی تاقیم دەکاتەوە وەک زێڕ دەردەچم.

ئەیوب ٢٣:١٠

لە کاتی ورەبەردانی ڕۆحم، تۆ شارەزای ڕێڕەوی منی.

زەبوورەکان ١٤٢:٣

چونکە ئەوەی دەستتان لێدەدات، دەست لە بیلبیلەی چاوی دەدات.

زەکەریا ٢:٨

لە هەموو تەنگانەکانیان ئەویش تەنگاو بوو و فریشتەی ئامادەبوونەکەی ڕزگاری کردن.

ئیشایا ٦٣:٩

هەتا ڕۆژە لەسەرمانە کاری ئەوە بکەین کە ناردوومی.

یۆحەنا ٩:٤

گیانی تەمبەڵ ئارەزوو دەکات و هیچی دەست ناکەوێت، بەڵام گیانی تێکۆشەر سەرکەوتوو دەبێت.

پەندەکانی سلێمان ١٣:٤

ئاوگێڕیش ئاوی دەدرێتێ.

پەندەکانی سلێمان ١١:٢٥

خواردنی من ئەوەیە خواستی ئەوە ئەنجام بدەم کە ناردوومی و کارەکەی تەواو بکەم. ئەی ئێوە ناڵێن: ”پاش چوار مانگ کاتی دروێنە دێت“؟ ئەوەتا پێتان دەڵێم: چاوتان هەڵبڕن و سەیری کێڵگەکان بکەن وا زەرد هەڵگەڕاون بۆ دروێنە.

یۆحەنا ٤:٣٤–٣٥

شانشینی ئاسمان لە خاوەن ڕەزێک دەچێت، بەیانی زوو دێتە دەرەوە تاکو بچێت کرێکار بۆ ڕەزەکەی بگرێت. لەگەڵ کرێکارەکان ڕۆژی بە دینارێک ڕێککەوت، ئینجا ئەوانی بۆ ڕەزەکەی نارد.

مەتا ٢٠:١–٢

وشەی خودا ڕابگەیەنە، ئامادە بە لە کاتی گونجاو و نەگونجاو، خەڵکی ڕاستەڕێ بکە.

دووەم تیمۆساوس ٤:٢

دە لە کۆیلەکانی خۆی بانگکرد و دە کیسە زیوی پێدان و پێی گوتن، هەتا دێمەوە بازرگانی بکەن.

لۆقا ١٩:١٣

بەڵکو من لە هەموو نێردراوانی دیکە ماندووتر بووم، بەڵام من نا، بەڵکو نیعمەتی خودا بوو کە لەگەڵمدایە.

یەکەم کۆرنسۆس ١٥:١٠