ڕووناکی ڕۆژانە, کانونی یەکەم ١٤: ستایشی شکۆدار بکەن!

ستایشی شکۆدار بکەن!

زەبوورەکان ٦٦:٢

ئەم گەلە بۆ خۆم شێوەم کێشاوە باسی ستایشم دەکەن.

ئیشایا ٤٣:٢١

پاکیان دەکەمەوە لە هەموو گوناهەکانیان کە لە دژی من کردوویانە، لە هەموو گوناه و یاخیبوونەکانیان خۆشدەبم کە لە دژی من کردوویانە. جا ئەم شارە بۆم دەبێتە ناوبانگ و شادی، ستایشکردن و شانازی، لەلای هەموو نەتەوەکانی سەر زەوی کە ئەم هەموو چاکەیە دەبیستنەوە من بۆی دەکەم.

یەرمیا ٣٣:٨–٩

لەبەر ئەوە، با بەردەوام لە ڕێگەی مەسیحەوە بە لێوەکانمان ستایشی خودا بکەین، کە قوربانیی ئێمەیە بۆ خودا.

عیبرانییەکان ١٣:١٥

ئەی خودای پەروەردگارم، بە هەموو دڵەوە ستایشت دەکەم، هەتاهەتایە ناوت شکۆدار دەکەم، چونکە خۆشەویستییە نەگۆڕەکەت گەورەیە بۆ من، گیانی منت لە جیهانی مردووانی ژێرەوە دەرباز کرد.

زەبوورەکان ٨٦:١٢–١٣

ئەی یەزدان، کێ لەنێو خوداوەندەکان وەک تۆیە؟ ... پایەبەرزە لە پیرۆزی، سامناک لە شکۆمەندی، دروستکەری کاری سەرسوڕهێنەر؟

دەرچوون ١٥:١١

بە گۆرانی ستایشی ناوی خودا دەکەم، بە سوپاسگوزارییەوە گەورەیی ڕادەگەیەنم.

زەبوورەکان ٦٩:٣٠

سروودی موسای بەندەی خودا و سروودی بەرخەکەیان دەچڕی و دەیانگوت: «ئەی یەزدان، خودای هەرە بەتوانا، کارەکانت گەورە و سەیرە!

ئاشکراکردن ١٥:٣

وەکو خەڵکی دیکە بە سروشت شایانی تووڕەیی خودا بووین.

ئەفەسۆس ٢:٣

پێشتر ئێمەش گێل و یاخی و گومڕا بووین، کۆیلەی هەموو جۆرە هەوەسبازی و چێژ وەرگرتنێک بووین، لە قین و ئیرەییدا دەژیاین، ئێسکگران بووین، ڕقمان لە یەکتری بوو.

تیتۆس ٣:٣

سەرسام مەبە کە پێم گوتی: ”دەبێ لەدایک ببنەوە.“

یۆحەنا ٣:٧

ئەیوبیش وەڵامی یەزدانی دایەوە: «من وا سووکوچروکم، چۆن وەڵامت بدەمەوە؟ من دەست دەخەمە سەر دەمی خۆم.

ئەیوب ٤٠:٣–٤

یەزدانیش بە شەیتانی فەرموو: «خۆ چاوت نەبڕیوەتە سەر ئەیوبی بەندەم؟ لە زەویدا کەس نییە وەک ئەو، کەسێکی وا ڕاست و بێ کەموکوڕی، لەخواترسە و لە خراپە لادەدات.»

ئەیوب ١:٨

ئەوەتا من بە زگماکی تاوانبارم، گوناهبارم لەو کاتەوە کە دایکم سکی بە من پڕ بووە.

زەبوورەکان ٥١:٥

ئەوەی شایەتی بۆ دا و فەرمووی: ﴿داودی کوڕی یەسام دۆزییەوە، پیاوێکە بە دڵی خۆم، ئەوەی هەموو خواستی من جێبەجێ دەکات.﴾.

کردار ١٣:٢٢

هەرچەندە جاران کفرکەر و چەوسێنەر و توندڕەو بووم.

یەکەم تیمۆساوس ١:١٣

ئەوەی لە جەستە لەدایک بووە جەستەیە، ئەوەش لە ڕۆحی خودا لەدایک بووە ڕۆحە.

یۆحەنا ٣:٦