ڕووناکی ڕۆژانە, کانوونی دووەم ١٤: چونکە باوک لە من مەزنترە

چونکە باوک لە من مەزنترە.

یۆحەنا ١٤:٢٨

کاتێک نوێژ دەکەن، بڵێن: ”باوکە، با ناوت پیرۆز بێت، با پاشایەتییەکەت بێ.

لۆقا ١١:٢

من بەرز دەبمەوە بۆ لای باوکم و باوکتان، خودام و خوداتان.

یۆحەنا ٢٠:١٧

بەڵام ئەو دێت تاکو جیهان بزانێت باوکم خۆشدەوێت و بەو شێوەیە کار دەکەم کە باوک ڕایسپاردووم.

یۆحەنا ١٤:٣١

ئەو قسانەی پێتانی دەڵێم لە خۆمەوە نایڵێم، بەڵکو باوک کە لە مندا نیشتەجێیە، ئەو کارەکانی خۆی دەکات.

یۆحەنا ١٤:١٠

باوکی ئاسمانی کوڕی خۆی خۆشدەوێت و هەموو شتێکی داوەتە دەستی.

یۆحەنا ٣:٣٥

هەروەک دەسەڵاتت پێداوە بەسەر هەموو خەڵکدا، تاکو ژیانی هەتاهەتایی بە هەموو ئەوانە بدات کە پێت داون.

یۆحەنا ١٧:٢

گەورەم، باوکمان پیشان بدە و بەسمانە.» عیساش پێی فەرموو: «فیلیپۆس، ئایا تەنانەت لەدوای ئەم ماوە زۆرەش کە لەگەڵتانم، نەتناسیوم؟ ئەوەی منی بینیوە باوکی بینیوە. ئیتر چۆن دەڵێی: ”باوکمان نیشان بدە“؟ ئایا باوەڕ ناکەی من لە باوکدام و باوکیش لە مندایە؟

یۆحەنا ١٤:٨–١٠

من و باوک یەکین.

یۆحەنا ١٠:٣٠

هەروەک چۆن باوک منی خۆشویستووە، ئاوا ئێوەم خۆشویستووە، جا بە خۆشەویستییەکەمەوە پەیوەست بن. ئەگەر ئێوە کار بە ڕاسپاردەکانم دەکەن، بە خۆشەویستییەکەمەوە پەیوەست دەبن، هەروەک من کارم بە ڕاسپاردەکانی باوکم کردووە و بە خۆشەویستییەکەیەوە پەیوەست دەبم.

یۆحەنا ١٥:٩–١٠

نێوان نەوەی تۆ و نەوەی ئەوەوە. نەوەی ئەو سەرت پان دەکاتەوە و تۆش پاژنەی پێی دەکوتیت.

پەیدابوون ٣:١٥

وەک ئەوەی زۆر کەس واقیان لێی وڕما، دیمەنی وەک مرۆڤ نەبوو، وێنەی لە ئادەمیزاد نەدەچوو.

ئیشایا ٥٢:١٤

بەڵام ئەو لەبەر یاخیبوونەکانمان بریندار بوو، لەبەر تاوانەکانمان وردوخاشکرا. ئەو لە پێناوی ئاشتبوونەوەی ئێمە سزای چێژت، بە برینەکانی ئەو چاک بووینەوە.

ئیشایا ٥٣:٥

بەڵام ئەمە کاتی ئێوەیە، کاتی دەسەڵاتی تاریکییە.

لۆقا ٢٢:٥٣

هیچ دەسەڵاتێکت بەسەر منەوە نییە، مەگەر لە سەرەوە پێت درابێت.

یۆحەنا ١٩:١١

کوڕی خودا بۆ ئەمە دەرکەوت، تاکو کارەکانی ئیبلیس تێکبدات.

یەکەم یۆحەنا ٣:٨

عیسا ژمارەیەکی زۆر نەخۆشی بە جۆرەها دەردەوە چاککردەوە و زۆر ڕۆحی پیسیشی دەرکرد و نەیهێشت ڕۆحە پیسەکان بدوێن، چونکە دەیانزانی کێیە.

مەرقۆس ١:٣٤

هەموو دەسەڵاتێکم لە ئاسمان و لەسەر زەوی دراوەتێ.

مەتا ٢٨:١٨

بە ناوی من ڕۆحی پیس دەردەکەن و بە زمانی نوێ دەدوێن.

مەرقۆس ١٦:١٧

خودای ئاشتی بەم زووانە شەیتان لەژێر پێتان پان دەکاتەوە.

ڕۆما ١٦:٢٠