ڕووناکی ڕۆژانە, نیسان ١٠: ئەوە فەرمایشتی یەزدانی باڵادەستە

ئەی کچانی ئۆرشەلیم.

گۆرانی گۆرانییەکان ١:٥

ئەوەتا من بە زگماکی تاوانبارم، گوناهبارم لەو کاتەوە کە دایکم سکی بە من پڕ بووە.

زەبوورەکان ٥١:٥

لەبەر جوانیت ناوبانگت لەنێو نەتەوەکان دەرکرد، چونکە بەهۆی شکۆمەندییەکەم کە پێم بەخشیبوویت جوانییەکەت تەواو بوو. ئەوە فەرمایشتی یەزدانی باڵادەستە.

حزقیێل ١٦:١٤

چونکە مرۆڤێکی گوناهبارم!

لۆقا ٥:٨

ئەی یارەکەم، تۆ چەند جوانیت، چەند جوانیت!

گۆرانی گۆرانییەکان ٤:١

لەبەر ئەوە خۆم ڕەت دەکەمەوە و لەناو خۆڵ و خۆڵەمێشدا تۆبە دەکەم.

ئەیوب ٤٢:٦

ئەی یارەکەم، سەرتاپات جوانییە، هیچ کەموکوڕیت تێدا نییە.

گۆرانی گۆرانییەکان ٤:٧

کاتێک دەمەوێت چاکە بکەم، خراپە لەلام ئامادەیە.

ڕۆما ٧:٢١

ورەت بەرز بێت، گوناهەکانت بەخشران.

مەتا ٩:٢

چونکە دەزانم هیچ چاکەیەک لە مندا نیشتەجێ نییە، واتا لە سروشتی دنیاییمدا.

ڕۆما ٧:١٨

ئێوەش بە یەکبوون لەگەڵ مەسیحدا پڕ بوون لە خودا.

کۆلۆسی ٢:١٠

بۆ ئەوەی بتوانین هەر یەکێکیان وەک کەسێکی پێگەیشتوو بە یەکبوون لەگەڵ مەسیحدا بهێنینە بەردەم خودا.

کۆلۆسی ١:٢٨

بەڵام شۆرانەوە و پیرۆز کران و بێتاوان کران بە ناوی عیسای مەسیحی خاوەن شکۆ و ڕۆحی خودامان.

یەکەم کۆرنسۆس ٦:١١

گەلی تایبەتی خودان، تاکو چاکییەکانی ئەوە ڕابگەیەنن کە بانگی کردوون لە تاریکییەوە بۆ ڕووناکییە سەرسوڕهێنەرەکەی.

یەکەم پەترۆس ٢:٩

هەموو ئەوانەی دەیانەوێ بە لەخواترسییەوە بە یەکبوون لەگەڵ عیسای مەسیح بژین، دەچەوسێنرێنەوە.

دووەم تیمۆساوس ٣:١٢

چونکە من هاتووم بۆ هەڵگەڕاندنەوەی «﴿کوڕ لە باوکی و کچ لە دایکی و بووک لە خەسووی، دوژمنی مرۆڤیش لە خانەوادەکەی خۆی دەبێت.﴾.

مەتا ١٠:٣٥–٣٦

بۆیە ئەوەی بیەوێت ببێتە دۆستی جیهان، ئەوا بووەتە دوژمنی خودا.

یاقوب ٤:٤

نە جیهانتان خۆشبوێت، نە ئەو شتانەی لە جیهاندایە. ئەگەر یەکێک جیهانی خۆشبوێ، ئەوا خۆشەویستی باوکی تێدا نییە. لەبەر ئەوەی هەموو ئەو شتانەی لە جیهاندایە، ئارەزووی جەستە و ئارەزووی چاو و سەڵتەنەتی ژیانە، ئەمانەش لە باوکەوە نین، بەڵکو لە جیهانەوەن.

یەکەم یۆحەنا ٢:١٥–١٦

ئەگەر جیهان ڕقی لێتان دەبێتەوە، ئەوە بزانن پێش ئێوە ڕقی لە من بووەتەوە. ئەگەر ئێوە هی جیهان بوونایە، ئەوا جیهان وەکو هی خۆی خۆشی دەویستن. ئێستا ئێوە هی جیهان نین بەڵام من ئێوەم لە جیهانەوە هەڵبژاردووە، لەبەر ئەوە جیهان ڕقی لێتانە. ... کۆیلە لە گەورەکەی زیاتر نییە.“ ئەگەر منیان چەوساندبێتەوە.

یۆحەنا ١٥:١٨–٢٠

من وشەی تۆم دایە ئەوان و جیهان ڕقی لێیان بووەوە، چونکە هی جیهان نین، وەک منیش هی جیهان نیم.

یۆحەنا ١٧:١٤