ڕووناکی ڕۆژانە, تشرینی یەکەم ١٣: ﴿پیرۆز بن، چونکە من پیرۆزم.﴾

لەبەر ئەوەی هەر لە یەکەم ڕۆژەوە کە مکوڕ بوویت تێبگەیت و لەبەردەم خوداکەت خۆتت زەلیل کرد، پاڕانەوەکەت بیسترا.

دانیال ١٠:١٢

خودای بەرز و بڵند کە بە نەمری نیشتەجێیە، ناوی پیرۆزە، ئەمە دەفەرموێت: «لە جێی بەرز و پیرۆز نیشتەجێم، هەروەها لەگەڵ ئەوانەدام کە دڵشکێنراون و بێفیزن، بۆ ئەوەی بێفیز و دڵشکێنراوەکان بژیێنمەوە.

ئیشایا ٥٧:١٥

قوربانی بۆ خودا ڕۆحێکی شکاوە، ئەی خودایە، تۆ بە سووکییەوە تەماشای دڵی شکاو و وردوخاشکراو ناکەیت.

زەبوورەکان ٥١:١٧

هەرچەندە یەزدان پایەبەرزە، دەڕوانێتە کەسی بێفیز و لووتبەرزان لە دوورەوە دەناسێت.

زەبوورەکان ١٣٨:٦

بۆیە لەژێر دەستی بەهێزی خودا بێفیز بن، تاکو لە کاتی خۆیدا بەرزتان بکاتەوە.

یەکەم پەترۆس ٥:٦

﴿خودا بەرهەڵستی لووتبەرزەکان دەکات، بەڵام نیعمەت دەداتە بێفیزەکان.﴾ بۆیە ملکەچی خودا بن.

یاقوب ٤:٦–٧

ئەی پەروەردگار، تۆ چاک و لێبوردەیت، پڕیت لە خۆشەویستی نەگۆڕ بۆ ئەوانەی هاوارت بۆ دەهێنن. ئەی یەزدان، گوێ لە نوێژم بگرە، گوێ لە پاڕانەوەم بگرە. لە ڕۆژی تەنگانەدا هاوار بۆ تۆ دەهێنم، چونکە بە هاوارمەوە دێیت.

زەبوورەکان ٨٦:٥–٧

با خواستت لەسەر زەوی پەیڕەو بکرێت وەک لە ئاسمان.

مەتا ٦:١٠

بەڵکو تێبگەن خواستی مەسیحی باڵادەست چییە.

ئەفەسۆس ٥:١٧

بە هەمان شێوە باوکتان لە ئاسمان نایەوێت یەکێک لەم بچووکانە لەناوبچێت.

مەتا ١٨:١٤

خواستی خودا ئەوەیە کە پیرۆزکراو بن.

یەکەم سالۆنیکی ٤:٣

تاکو ئەو کاتەی بە جەستە لە ژیاندا ماوە بۆ هەوەسی مرۆڤانە نەژی، بەڵکو بۆ خواستی خودا.

یەکەم پەترۆس ٤:٢

خواستی لەسەر بوو کە بە وشەی ڕاستی لەدایک ببین ... کەواتە هەموو گڵاوی و گەشەکردنێکی بەدکاری دابکەنن.

یاقوب ١:١٨, ٢١

﴿پیرۆز بن، چونکە من پیرۆزم.﴾.

یەکەم پەترۆس ١:١٦

چاوی گێڕا بەسەر ئەوانەی لە دەوروپشتی دانیشتبوون و فەرمووی: دایک و برای من ئەمانەن. ئەوەی بە خواستی خودا بکات، خوشک و برا و دایکمە.

مەرقۆس ٣:٣٤–٣٥

لەبەر ئەوە هەرکەسێک گوێی لەم وتانەم بێت و پەیڕەوی بکات، وەک پیاوێکی دانا وایە کە خانووەکەی لەسەر بەرد دروستکردبێت. باران باری و لافاو هەستا و ڕەشەبا هەڵیکرد و لە خانووەکەی دا، بەڵام نەڕووخا، چونکە لەسەر بەرد دروستکرابوو.

مەتا ٧:٢٤–٢٥

جیهان و ئارەزووەکانی بەسەردەچن، بەڵام ئەوەی خواستی خودا جێبەجێ دەکات بۆ هەتاهەتایە دەژیێت.

یەکەم یۆحەنا ٢:١٧