ڕووناکی ڕۆژانە, کانونی یەکەم ٨: مرۆڤی یەکەم لە خۆڵی زەوی بوو

بەڵکو بە خۆشەویستی خزمەتی یەکتری بکەن.

گەلاتیا ٥:١٣

خوشکان، برایان، ئەگەر کەسێک تووشی گوناهێک بوو، با ئێوەی ڕۆحانی کەسی ئاوا بە ڕۆح نەرمی ڕاست بکەنەوە. سەیری خۆشت بکە، نەوەک تۆش تاقی بکرێیتەوە. باری یەکتری هەڵبگرن و بەم شێوەیە شەریعەتی مەسیح بهێننە دی.

گەلاتیا ٦:١–٢

خوشکان و برایانم، ئەگەر یەکێکتان لە ڕاستی چەواشە کرا و یەکێک گەڕاندییەوە، با بزانێت ئەوەی گوناهبارێک لە ڕێگای گومڕایی بگەڕێنێتەوە، دەروونێک لە مردن ڕزگار دەکات و زۆر گوناهیش دادەپۆشێت.

یاقوب ٥:١٩–٢٠

بە گوێڕایەڵیتان بۆ ڕاستی خۆتان پاک کردووەتەوە بۆ خۆشەویستی برایانەی بێ دووڕوویی، لە قووڵایی دڵەوە یەکتریتان خۆشبوێ.

یەکەم پەترۆس ١:٢٢

بە هیچ شتێک قەرزاری کەس مەبن، جگە لەوەی یەکتریتان خۆشبوێ، چونکە ئەوەی خەڵکی دیکەی خۆشبوێ، شەریعەتی تەوراتی هێناوەتە دی.

ڕۆما ١٣:٨

بە خۆشەویستی برایانە بە دڵ یەکتریتان خۆشبوێ، لە خۆتان زیاتر ڕێز لە یەکتری بگرن.

ڕۆما ١٢:١٠

هەمووتان بەرامبەر بە یەکتر بێفیز بن، چونکە: ﴿خودا بەرهەڵستی لووتبەرزەکان دەکات، بەڵام نیعمەت دەداتە بێفیزەکان.﴾.

یەکەم پەترۆس ٥:٥

بەڵام ئێمەی بەهێز لەسەرمانە بەرگەی کەموکوڕی لاوازان بگرین و خۆمان ڕازی نەکەین.

ڕۆما ١٥:١

خۆڵ دەگەڕێتەوە سەر زەوی وەک پێشوو.

ژیرمەندی ١٢:٧

لە فەوتاوی دەچێنرێت، ... لە سووکایەتی دەچێنرێت، ... لە لاوازی دەچێنرێت، ... بە لەشی سروشتی دەچێنرێت.

یەکەم کۆرنسۆس ١٥:٤٢–٤٤

مرۆڤی یەکەم لە خۆڵی زەوی بوو.

یەکەم کۆرنسۆس ١٥:٤٧

لەبەر ئەوەی تۆ خۆڵیت و بۆ خۆڵیش دەگەڕێیتەوە.

پەیدابوون ٣:١٩

کەسانێک هەن لەوپەڕی تەندروستیدا دەمرن، کاتێک بە تەواوی دڵنیا و ئارامن، کەسانێکی دیکەش بە پەژارەوە دەمرن و تامی خێروخۆشییان نەکردووە. هەردووکیان پێکەوە لەناو گڵ ڕادەکشێن و کرم دایاندەپۆشێت.

ئەیوب ٢١:٢٣, ٢٥–٢٦

تەنانەت جەستەم بە ئاسوودەیی نیشتەجێیە.

زەبوورەکان ١٦:٩

پاش ئەوەی ئەم پێستەم لەناودەچێت، هەر لە جەستەی خۆم خودا دەبینم.

ئەیوب ١٩:٢٦

عیسای مەسیحی خاوەن شکۆ، ئەوەی جەستەی کەساسمان بۆ وێنەی لەشی شکۆداری خۆی دەگۆڕێت، بەگوێرەی کارکردنی هێزی خۆی کە دەتوانێت هەموو شتێک ملکەچی خۆی بکات.

فیلیپی ٣:٢٠–٢١

ئەی یەزدان، کۆتایی ژیانی خۆم پیشان بدە، هەروەها ڕۆژەکانی ژیانم چەندە، بۆ ئەوەی بزانم من چ فەوتاوێکم.

زەبوورەکان ٣٩:٤

ئیتر فێرمان بکە ڕۆژانمان بژمێرین، بۆ ئەوەی دڵێکی پڕ داناییمان هەبێت.

زەبوورەکان ٩٠:١٢