ڕووناکی ڕۆژانە, حوزەیران ١٦: لە هەموو جۆرە خراپەیەک دوور بکەونەوە

ئاگاداربن چۆن دەژین، نەک وەک نەفام، بەڵکو وەک دانا، کات بقۆزنەوە، چونکە زەمانە بەدکارە.

ئەفەسۆس ٥:١٥–١٦

بەڵام زۆر ئاگاداربن بۆ کارکردن بەو ڕاسپاردە و فێرکردنەی کە موسای بەندەی یەزدان فەرمانی پێ کردن، کە یەزدانی پەروەردگارتان خۆشبوێت و هەموو ڕێگاکانی بگرنەبەر و فەرمانەکانی جێبەجێ بکەن و دەستی پێوە بگرن، پڕ بە دڵ و لە ناختانەوە بیپەرستن.

یەشوع ٢٢:٥

بە دانایی لەگەڵ ئەوانەی دەرەوە ڕەفتار بکەن، کات بقۆزنەوە. با قسەتان هەردەم پڕبێت لە نیعمەت، بە خوێ سوێر کرابێت، تاکو بزانن چۆن پێویستە وەڵامی هەرکەسێک بدەنەوە.

کۆلۆسی ٤:٥–٦

لە هەموو جۆرە خراپەیەک دوور بکەونەوە.

یەکەم سالۆنیکی ٥:٢٢

کاتێک زاوا دواکەوت، هەموو خەو بردنییەوە و نوستن. «لە نیوەشەودا هاوار کرا: ”ئەوەتا زاوا هات! بەرەوپیری بچن!“ «کەواتە ئێشک بگرن، چونکە ڕۆژ و کاتەکە نازانن.

مەتا ٢٥:٥–٦, ١٣

هەر بۆیە زیاتریش تێبکۆشن بۆ چەسپاندنی هەڵبژاردن و بانگەوازەکەتان، چونکە ئەگەر ئەمانەتان کرد ئەوا هەرگیز ناکەون.

دووەم پەترۆس ١:١٠

خۆزگە بەو کۆیلانە دەخوازرێت کە گەورە دێتەوە دەبینێت ئێشکیان گرتووە.

لۆقا ١٢:٣٧

دەست بگرە بەوەی هەتە، تاکو کەس تاجەکەت لێ نەستێنێت.

ئاشکراکردن ٣:١١

ئەگەر تەنها دەست لە کراسەکەی بدەم، چاکدەبمەوە.

مەتا ٩:٢١

گەورەم، ئەگەر بتەوێت، دەتوانیت پاکم بکەیتەوە.» ... دەمەوێت.

مەتا ٨:٢–٣

ئەگەر ئەوەندەی دەنکە خەرتەلەیەک باوەڕتان هەبێ.

مەتا ١٧:٢٠

کەواتە متمانەتان فڕێمەدەن کە پاداشتی گەورەی هەیە.

عیبرانییەکان ١٠:٣٥

بە ترس و لەرزەوە کۆشش بکەن بۆ تەواوکردنی ڕزگاریتان، چونکە خودا خۆی لە ئێوەدا کار دەکات تاکو بتانەوێت و کار بکەن بۆ ڕەزامەندی ئەو.

فیلیپی ٢:١٢–١٣

ئینجا گوڵەگەنم، پاشان لە گوڵەگەنمەکەدا گەنمی تەواو.

مەرقۆس ٤:٢٨

با دان بە یەزداندا بنێین، با تێبکۆشین بۆ ئەوەی دانی پێدا بنێین.

هۆشەع ٦:٣

لە ڕۆژانی یەحیای لەئاوهەڵکێشەوە هەتا ئێستا شانشینی ئاسمان بە هێز تێدەکۆشێت، تێکۆشەرانیش دەستی پێوەدەگرن.

مەتا ١١:١٢

کەواتە ڕابکەن تاوەکو خەڵاتەکە بەدەستبهێنن.

یەکەم کۆرنسۆس ٩:٢٤

تێکۆشانێکی باش تێکۆشاوم، پێشبڕکێکەم تەواو کرد و باوەڕەکەم پاراست. ئێستا تاجی ڕاستودروستیم بۆ دانراوە، ئەوەی مەسیحی خاوەن شکۆ کە دادوەری ڕاستودروستە لەو ڕۆژەدا دەمداتێ.

دووەم تیمۆساوس ٤:٧–٨