ڕووناکی ڕۆژانە, ئاب ١: یارمەتی بێباوەڕیم بدە! (مەرقۆس ٩:٢٤)

لەبەر ئەوەی بە نیعمەت ڕزگارتان بوو لە ڕێگەی باوەڕەوە، ئەمەش لە خۆتانەوە نییە، بەڵکو دیاری خودایە.

ئەفەسۆس ٢:٨

بەبێ باوەڕ مەحاڵە ڕەزامەندی خودا بەدەستبهێنرێت.

عیبرانییەکان ١١:٦

ئەوەی باوەڕی پێ بهێنێت حوکم نادرێت، بەڵام ئەوەی باوەڕ ناهێنێت ئەوا حوکم دراوە، چونکە باوەڕی بە ناوی کوڕە تاقانەکەی خودا نەهێناوە.

یۆحەنا ٣:١٨

یارمەتی بێباوەڕیم بدە!

مەرقۆس ٩:٢٤

بەڵام ئەوەی گوێڕایەڵی پەیامی خودا بێت، ئەوا بە ڕاستی خۆشەویستی خودا لەو کەسەدا تەواوە. بەمەدا دەزانین کە ئێمە بە یەکبوون لەگەڵ مەسیح دەژین.

یەکەم یۆحەنا ٢:٥

بەڵکو ئەو باوەڕە گرنگە کە بە خۆشەویستی کار دەکات.

گەلاتیا ٥:٦

دەتەوێت بزانیت کە باوەڕ بێ کردار نەزۆکە؟

یاقوب ٢:٢٠

چونکە بە باوەڕ دەڕۆین نەک بە بینراو.

دووەم کۆرنسۆس ٥:٧

من لەگەڵ مەسیح لە خاچ درام، ئیتر من نیم ئەوەی دەژیێت، بەڵکو مەسیحە لە مندا دەژیێت. ئێستاش کەوا بە جەستە دەژیم، ئەوا بە باوەڕ بە کوڕی خودا دەژیم، ئەوەی منی خۆشویست و خۆی کردە قوربانی بۆ من.

گەلاتیا ٢:٢٠

هەرچەندە نەتانبینیوە خۆشتان دەوێ، ئێستاش نایبینن باوەڕی پێ دەهێنن و دڵخۆش دەبن بە شێوەیەک هەر باسی ناکرێت و شکۆدارە، چونکە ئامانجی باوەڕتان بەدەستدەهێنن، واتا ڕزگاریی دەروونتان.

یەکەم پەترۆس ١:٨–٩

چونکە یەزدان بەزەیی زۆرە و میهرەبانە.

یاقوب ٥:١١

وەک باوک چۆن بەزەیی بە منداڵەکانیدا دێتەوە، یەزدانیش ئاوا بەزەیی بەوانەدا دێتەوە کە لێی دەترسن.

زەبوورەکان ١٠٣:١٣

یەزدان میهرەبان و بە بەزەییە. ... هەمیشە پەیمانی خۆی لەبیرە.

زەبوورەکان ١١١:٤–٥

ئەوەی دەتپارێزێت خەواڵوو نابێت. بێگومان ئەوەی ئیسرائیل دەپارێزێت خەواڵوو نابێت و نانوێت.

زەبوورەکان ١٢١:٣–٤

وەک هەڵۆ هێلانەی خۆی دەهەژێنێت، لەسەر بێچووەکانی باڵەفڕکێ دەکات، باڵەکانی لێک دەکاتەوە و دەیبات، لەسەر شاپەڕەکانی هەڵیدەگرێت. ئاوا یەزدان بە تەنها ڕابەرایەتی کرد، هیچ خوداوەندێکی بێگانەی لەگەڵ نەبوو.

دواوتار ٣٢:١١–١٢

چونکە بەزەییەکەی تەواو نابێت. ئەوانەت هەموو بەیانییەک نوێن؛ دڵسۆزییەکەت چەند گەورەیە.

شینەکانی یەرمیا ٣:٢٢–٢٣

کاتێک عیسا لە بەلەمەکە دابەزی، خەڵکێکی بێشوماری بینی و دڵی پێیان سووتا و نەخۆشەکانی ئەوانی چاککردەوە.

مەتا ١٤:١٤

عیسای مەسیح وەک خۆیەتی، دوێنێ و ئەمڕۆ و هەتاهەتایە.

عیبرانییەکان ١٣:٨

ئێوە تەنانەت مووی سەریشتان هەمووی ژمێردراوە. ئایا دوو چۆلەکە بە فلسێک نافرۆشرێت؟ کەچی هیچ یەکێکیان بەبێ خواستی باوکتان ناکەوێتە سەر زەوی. کەواتە مەترسن.

مەتا ١٠:٣٠, ٢٩, ٣١