ڕووناکی ڕۆژانە, تەمووز ٢٤: جا عیسا گریا (یۆحەنا ١١:٣٥)

لە تەنگانە ئارام بگرن.

ڕۆما ١٢:١٢

خۆی یەزدانە، ئەوەی بە باشی بزانێت با بیکات.

یەکەم ساموئێل ٣:١٨

ئەگەر ڕاستودروستیش بم، ناتوانم وەڵامی بدەمەوە، بەڵکو داوای بەزەیی لە دادوەرم دەکەم.

ئەیوب ٩:١٥

یەزدان دای و یەزدانیش بردییەوە، ستایش بۆ ناوی یەزدان.

ئەیوب ١:٢١

ئایا چاکەی خودا قبوڵ بکەین، بەڵام نەهامەتی قبوڵ نەکەین؟ لە هەموو ئەمەدا ئەیوب گوناهی بەسەر لێودا نەهات.

ئەیوب ٢:١٠

جا عیسا گریا.

یۆحەنا ١١:٣٥

پیاوی ئازار و شارەزای ناخۆشی.

ئیشایا ٥٣:٣–٤

چونکە ئەوەی یەزدان خۆشیبوێ تەمبێی دەکات، هەروەها هەر یەکێک وەک ڕۆڵەی خۆی وەریبگرێت، بە گۆچان لێی دەدات.﴾.

عیبرانییەکان ١٢:٦, ١١

با مەسیح بەگوێرەی توانای شکۆی خۆی بە هەموو هێزێک بەهێزتان بکات، بۆ هەموو دانبەخۆداگرتن و ئارامگرتنێک، بە خۆشییەوە.

کۆلۆسی ١:١١

«ئەمانەم پێ گوتن تاکو ئاشتیتان لە مندا هەبێت. لە جیهاندا تووشی تەنگانە دەبن. بەڵام ورەتان بەرز بێت، من جیهانم بەزاندووە.»

یۆحەنا ١٦:٣٣

بە بێباوەڕی گومانی لە بەڵێنی خودا نەکرد.

ڕۆما ٤:٢٠

باوەڕتان بە خودا هەبێت. ... ئەوەی بەم کێوە بڵێت ”هەڵبکەنرێ و بکەوە ناو دەریاوە،“ لە دڵدا گومان نەکات، بەڵکو باوەڕ بکات ئەوەی دەیڵێت دەبێت، ئەوا بۆی دەبێت. لەبەر ئەوە پێتان دەڵێم: هەموو ئەوەی داوای دەکەن و نوێژی بۆ دەکەن، باوەڕ بکەن کە وەرتانگرتووە، بۆتان دەبێت.

مەرقۆس ١١:٢٢–٢٤

بەبێ باوەڕ مەحاڵە ڕەزامەندی خودا بەدەستبهێنرێت، چونکە ئەوەی لەو نزیک بێتەوە، دەبێ باوەڕی بە بوونی ئەو هەبێت و پاداشتی ئەوانەش دەداتەوە کە بە پەرۆشەوە ڕوویان لەو دەکەن.

عیبرانییەکان ١١:٦

کاتێک خودا ئیبراهیمی تاقی کردەوە. ئەوەی بە بەڵێن لە خودا وەریگرت ئامادە بوو کوڕە تاقانەکەی بکاتە قوربانی، هەرچەندە خودا سەبارەت بەو فەرمووبووی: ﴿لە ڕێگەی ئیسحاقەوە نەوەی تۆ ناودەبردرێت.﴾ ئیبراهیم دڵنیابوو لەوەی کە خودا دەتوانێت ئیسحاق لەدوای مردنی زیندوو بکاتەوە. بە واتایەکی دیکە.

عیبرانییەکان ١١:١٧–١٩

دڵنیابوو کە خودا توانای هەیە بەڵێنی خۆی بباتەسەر.

ڕۆما ٤:٢١

هیچ شتێک هەیە بۆ یەزدان ئەستەم بێت؟

پەیدابوون ١٨:١٤

بەڵام لەلای خودا هەموو شتێک دەبێت.

مەتا ١٩:٢٦

باوەڕمان زیاد بکە!

لۆقا ١٧:٥