ڕووناکی ڕۆژانە, حوزەیران ٢٩: ڕاسپاردەکانیشی قورس نین

ڕاسپاردەکانیشی قورس نین.

یەکەم یۆحەنا ٥:٣

خواستی باوکم ئەمەیە: هەرکەسێک تەماشای کوڕەکە بکات و باوەڕی پێ بهێنێت ژیانی هەتاهەتایی دەبێت.

یۆحەنا ٦:٤٠

هەرچییەکی لێ داوا بکەین لێی وەردەگرین، چونکە ڕاسپاردەکانی بەجێدەگەیەنین و ئەوە دەکەین کە بەدڵیەتی.

یەکەم یۆحەنا ٣:٢٢

چونکە نیرەکەم گونجاوە و بارم سووکە.

مەتا ١١:٣٠

ئەگەر منتان خۆشبوێ کار بە ڕاسپاردەکانم دەکەن.

یۆحەنا ١٤:١٥

ئەوەی ڕاسپاردەکانی منی لەلایە و کاریان پێ دەکات، ئەوا منی خۆشدەوێت. ئەوەی منی خۆشبوێ، باوکیشمی خۆشدەوێت، منیش خۆشمدەوێت و خۆمی بۆ دەردەخەم.

یۆحەنا ١٤:٢١

خۆزگە دەخوازرێ بەو کەسەی دانایی دەدۆزێتەوە و بەو کەسەی تێگەیشتن بەدەستدەهێنێت، ڕێگاکانی ڕێگای خۆشحاڵین و هەموو ڕێڕەوەکانی ئاشتین.

پەندەکانی سلێمان ٣:١٣, ١٧

ئاشتیێکی گەورە بۆ ئەوانەی حەز لە فێرکردنت دەکەن، هیچ شتێک بۆیان نابێتە کۆسپ.

زەبوورەکان ١١٩:١٦٥

چونکە لە ناخمدا بە شەریعەتی خودا دڵشادم.

ڕۆما ٧:٢٢

ئەمەش ڕاسپاردەکەیەتی: باوەڕمان بە ناوی عیسای مەسیحی کوڕەکەی هەبێت و یەکتریمان خۆشبوێ.

یەکەم یۆحەنا ٣:٢٣

خۆشەویستی خراپە لەگەڵ نزیکەکەی ناکات، بۆیە خۆشەویستی هێنانەدیی شەریعەتە.

ڕۆما ١٣:١٠

ئەی یەزدان، گوناهەکانی کاتی گەنجیەتیم و یاخیبوونەکانم بەبیر خۆت مەهێنەوە.

زەبوورەکان ٢٥:٧

یاخیبوونەکانی تۆم وەک هەوری تار سڕییەوە، گوناهەکانیشت وەک تەمی بەیانییان.

ئیشایا ٤٤:٢٢

منم، منم کە یاخیبوونەکانت دەسڕمەوە، لە پێناو خۆم، گوناهەکانیشت بەبیری خۆم ناهێنمەوە.

ئیشایا ٤٣:٢٥

یەزدان دەفەرموێت: «ئێستا وەرن یەکلایی بکەینەوە. ئەگەر گوناهەکانتان سووری ئاڵ بێت، وەک بەفر سپی دەبێتەوە؛ ئەگەر وەک قرمز سوور بێت، وەک خوری لێدێت.

ئیشایا ١:١٨

چیتر گوناهەکانیان بەبیری خۆم ناهێنمەوە.»ئەوە فەرمایشتی یەزدانە.

یەرمیا ٣١:٣٤

هەموو گوناهەکانمان فڕێدەدەیتە ناو قووڵایی دەریا.

میخا ٧:١٩

تاڵی لەسەر تاڵیم چێشت. لە خۆشەویستیدا تۆ گیانی منت لە تەڵەی لەناوچوون ڕزگار کرد، چونکە هەموو گوناهەکانی منت فڕێدایە پشت خۆتەوە.

ئیشایا ٣٨:١٧

کێ خودایەکی وەک تۆیە، کە لە تاوان دەبوورێت و لە یاخیبوونی پاشماوەی گەلەکەت خۆشدەبێت؟ هەتاسەر تووڕەیی خۆت هەڵناگریت، چونکە بە خۆشەویستییە نەگۆڕەکەت دڵخۆشیت.

میخا ٧:١٨

هەروەها لە عیسای مەسیحیشەوە کە شایەتیدەری دڵسۆزە، نۆبەرەی هەستانەوەی نێو مردووانە و سەرۆکی پاشاکانی سەر زەوییە. ئەو کە ئێمەی خۆشدەوێت و بە خوێنی خۆی لە گوناهەکانمان ئازادی کردین و.

ئاشکراکردن ١:٥