ڕووناکی ڕۆژانە, ئاب ٢١: گیانم شانازی بە یەزدانەوە دەکات

ئەی یەزدان، تۆ بەشی منی.

زەبوورەکان ١١٩:٥٧

چونکە هەموو شتێک هی ئێوەیە، ئێوەش هی مەسیحن، مەسیحیش هی خودایە.

یەکەم کۆرنسۆس ٣:٢١, ٢٣

عیسای مەسیح، ئەوەی بۆ ئێمە خۆی بەختکرد.

تیتۆس ٢:١٣–١٤

لە سەرووی هەموو شتێکدا کردییە سەر بۆ کڵێسا.

ئەفەسۆس ١:٢٢

هەروەک مەسیحیش کڵێسای خۆشویست و لە پێناوی خۆی بەختکرد، بۆ ئەوەی کڵێسایەکی شکۆدار بۆ خۆی ئامادە بکات، لەکە و لۆچ و هیچ شتێکی ئاوای نەبێت، بەڵکو پیرۆز و بێ کەموکوڕی بێت.

ئەفەسۆس ٥:٢٥, ٢٧

گیانم شانازی بە یەزدانەوە دەکات.

زەبوورەکان ٣٤:٢

بە شادی دڵشاد دەبم بە یەزدان، گیانم بە خودای خۆم شادمان دەبێت، چونکە بەرگی ڕزگاری لەبەرکردم، کەوای ڕاستودروستی بەسەر شانمدا دا.

ئیشایا ٦١:١٠

بێجگە لە تۆ لە ئاسمان کێم هەیە؟ ئەگەر لەگەڵ تۆ بم، لەسەر زەویش هیچ نییە ئارەزووی بکەم. جەسته و دڵم کۆتاییان پێدێت، بەڵام هەتاهەتایە هێزی دڵ و بەشی من خودایە.

زەبوورەکان ٧٣:٢٥–٢٦

بە یەزدانم گوت: تۆ گەورەی منی ... ئەی یەزدان، تۆ بەشە میرات و چارەنووسی منی، تۆ پشکی من دەستەبەر دەکەیت. گوریس کەوتە سەر چاکترین خاک بۆ بەشی من، بە ڕاستی میراتێکی دڵخۆشکەرم هەیە.

زەبوورەکان ١٦:٢, ٥–٦

ڕێگا هەیە لەبەرچاوی مرۆڤ ڕاست دیارە، بەڵام کۆتاییەکەی بەرەو مردنە.

پەندەکانی سلێمان ١٤:١٢

ئەوەی پشت بە بیرکردنەوەی خۆی ببەستێت گێلە.

پەندەکانی سلێمان ٢٨:٢٦

وشەکانی تۆ چرایە بۆ پێیەکانم، ڕووناکییە بۆ ڕێگام.

زەبوورەکان ١١٩:١٠٥

سەبارەت بە کاری خەڵک، بە فەرمایشتی سەر لێوی تۆ، خۆم لە ڕێگای توندوتیژی پاراستووە.

زەبوورەکان ١٧:٤

ئەگەر لەنێوتاندا پێغەمبەرێک یان خەونبینێک کە خەونێکی بینیبێت دەرکەوت و نیشانەیەک یان پەرجووێکی پێدان ... با بەدوای خودای دیکە بکەوین و بیانپەرستین، ئەو خوداوەندانەی کە نەتانناسیوە، ئەوا گوێ لە قسەی ئەو پێغەمبەرە یان ئەو خەونبینە مەگرە کە ئەو خەونەی بینیوە، چونکە یەزدانی پەروەردگارتان تاقیتان دەکاتەوە تاکو بزانێت ئایا ئێوە پڕ بە دڵ و لە ناخەوە یەزدانی پەروەردگاری خۆتان خۆشدەوێت یان نا. بەدوای یەزدانی پەروەردگارتان دەڕۆن و لەو دەترسن و فەرمانەکانی دەپارێزن و گوێڕایەڵی دەبن و ئەو دەپەرستن و دەستی پێوە دەگرن.

دواوتار ١٣:١–٤

خودا دەفەرموێت: «من فێرت دەکەم و ڕێنماییت دەکەم بۆ ئەو ڕێگایەی کە دەبێت پێیدا بڕۆیت، ئامۆژگاریت دەکەم و چاودێریت دەکەم.

زەبوورەکان ٣٢:٨