ڕووناکی ڕۆژانە, ئەیلوول ٦: ئێشکگر، شەو چەندی ماوە؟

با دڵ و دەستمان بەرزبکەینەوە بۆ خودا لە ئاسمان، بڵێین.

شینەکانی یەرمیا ٣:٤١

کێ وەک یەزدانی پەروەردگارمانە، ئەوەی لە ئاسمان دانیشتووە، ئەوەی دەچەمێتەوە هەتا بڕوانێتە ئاسمان و زەوی؟

زەبوورەکان ١١٣:٥–٦

ئەی یەزدان، گیانی خۆم بۆ تۆ بەرز دەکەمەوە.

زەبوورەکان ٢٥:١

دەستم بۆ تۆ پاندەکەمەوە، گیانم بۆ تۆ وەک خاکێکی وشکە. ... ڕووی خۆتم لێ مەشارەوە، ئەگینا لەوانە دەچم کە دەچنە نێو جیهانی مردووان. با بەیانییان گوێم لە خۆشەویستییە نەگۆڕەکەت بێت، چونکە من پشت بە تۆ دەبەستم. ئەو ڕێگایەم پێ بناسێنە کە دەیگرمەبەر، چونکە گیانی خۆم بە تۆ دەسپێرم.

زەبوورەکان ١٤٣:٦–٨

لەبەر ئەوەی خۆشەویستییە نەگۆڕەکەت لە ژیان باشترە، لێوەکانم ستایشت دەکەن. بە درێژایی ژیانم ستایشت دەکەم، بە ناوی تۆوە دەستم بەرز دەکەمەوە.

زەبوورەکان ٦٣:٣–٤

گیانی خزمەتکاری خۆت شاد بکە، ئەی پەروەردگار، چونکە گیانی خۆم بۆ تۆ بەرز دەکەمەوە. ئەی پەروەردگار، تۆ چاک و لێبوردەیت، پڕیت لە خۆشەویستی نەگۆڕ بۆ ئەوانەی هاوارت بۆ دەهێنن.

زەبوورەکان ٨٦:٤–٥

هەرچییەک بە ناوی منەوە داوا بکەن دەیکەم.

یۆحەنا ١٤:١٣

ئێشکگر، شەو چەندی ماوە؟

ئیشایا ٢١:١١

وا کاتی ئەوەیە لە خەو هەستن، چونکە ئێستا ڕزگاریمان نزیکترە لەو کاتەی باوەڕمان هێنا. شەو لە تەواوبوونە، وا ڕۆژ هەڵدێت. با کرداری تاریکی دابکەنین و چەکی ڕووناکی لەبەر بکەین.

ڕۆما ١٣:١١–١٢

پەند لە دار هەنجیر وەربگرن: کاتێک لقەکانی نەرم بوون و گەڵایان کرد، دەزانن هاوین نزیکە. بە هەمان شێوە، کاتێک ئێوەش هەموو ئەم شتانە دەبینن، بزانن کە نزیکە و لە بەردەرگایە. ئاسمان و زەوی بەسەردەچن، بەڵام وشەکانم هەرگیز بەسەرناچن.

مەتا ٢٤:٣٢–٣٣, ٣٥

چاوەڕێی یەزدان دەکەم، گیانم چاوەڕێی دەکات، هیوام بە بەڵێنەکانییەتی. گیانم چاوەڕێی پەروەردگار دەکات، زیاتر لە ئێشکگر بۆ بەرەبەیان، زیاتر لە ئێشکگر بۆ بەرەبەیان.

زەبوورەکان ١٣٠:٥–٦

شایەتی ئەمانە دەفەرموێ: «بەڵێ، بە پەلە دێم.» ئامین! وەرە، عیسای خاوەن شکۆ.

ئاشکراکردن ٢٢:٢٠

کەواتە ئێشک بگرن، چونکە ڕۆژ و کاتەکە نازانن.

مەتا ٢٥:١٣