ڕووناکی ڕۆژانە, ئایار ٨: عیسای خاوەن شکۆ (ئاشکراکردن ٢٢:٢٠)

بەڵام خواستی یەزدان بوو وردوخاشی بکات و ئازار بکێشێت.

ئیشایا ٥٣:١٠

«ئێستا خەمبارم، چی بڵێم؟ ”باوکە لەم کاتە ڕزگارم بکە“؟ بەڵام نەخێر، من بۆ ئەم کاتە هاتووم. ئەی باوک، ناوت شکۆدار بکە!» جا دەنگێک لە ئاسمانەوە هات: «شکۆدارم کردووە و شکۆداریشی دەکەمەوە.»

یۆحەنا ١٢:٢٧–٢٨

باوکە، ئەگەر دەتەوێت ئەم جامەم لەسەر لاببە، بەڵام نەک بە خواستی من، بەڵکو بە خواستی خۆت بێت. فریشتەیەکیش لە ئاسمانەوە بۆی دەرکەوت بەهێزی دەکرد.

لۆقا ٢٢:٤٢–٤٣

کە بە ڕوخساری مرۆڤ بینرا، خۆی نزم کردەوە و هەتا مردن ملکەچ بوو،تەنانەت مردنی سەر خاچ.

فیلیپی ٢:٨

لەبەر ئەوە باوک منی خۆشدەوێت، چونکە ژیانی خۆم دادەنێم تاکو وەریبگرمەوە.

یۆحەنا ١٠:١٧

من لە ئاسمانەوە دابەزیوم، نەک بۆ ئەوەی خواستی خۆم ئەنجام بدەم، بەڵکو خواستی ئەوەی ناردوومی.

یۆحەنا ٦:٣٨

ئایا ئەو جامەی کە باوک پێیداوم نەیخۆمەوە؟

یۆحەنا ١٨:١١

ئەوەی ناردوومی لەگەڵمدایە و بە تەنها بەجێی نەهێشتووم، چونکە هەمیشە ئەوە دەکەم کە جێی ڕەزامەندی ئەوە.

یۆحەنا ٨:٢٩

ئەمە کوڕی خۆشەویستمە، ئەوەی زۆر پێی دڵشادم.

مەتا ٣:١٧

ئەوەی پشتیوانی دەکەم، هەڵبژاردەکەم کە پێی دڵشادم.

ئیشایا ٤٢:١

ئەی ئەوانەی یەزدانتان لە یادە، ئۆقرە مەگرن.

ئیشایا ٦٢:٦

تۆ شایستەی ئەوەی تۆمارەکە ببەیت و ... ئەوانیشت کردە شانشین و کاهین بۆ خودامان و.

ئاشکراکردن ٥:٩–١٠

کوڕانی هارونی کاهین کەڕەناکان لێدەدەن، جا بۆتان دەبێتە فەرزێکی هەتاهەتایی بۆ نەوەکانتان. ئەگەر لە خاکی خۆتان بۆ جەنگ چوونە سەر دوژمنێک کە ستەمتان لێدەکات، ئەوا کەڕەناکان وەک نیشانەی ئاگادارکردنەوە لێدەدەن و لەبەردەم یەزدانی پەروەردگارتان یاد دەکرێنەوە و لە دوژمنەکانتان ڕزگارتان دەبێت.

سەرژمێری ١٠:٨–٩

بە توخمی یاقوبم نەفەرموو، بەخۆڕایی بەدوامدا بگەڕێن.

ئیشایا ٤٥:١٩

ئینجا لەلایەن خوداوە دەنگیان بیسترا و نوێژەکانیان چووە ژوورەوە بۆ ناو نشینگەی پیرۆز لە ئاسمان.

دووەم پوختەی مێژوو ٣٠:٢٧

چاوی یەزدان لەسەر ڕاستودروستانە و گوێی لە پاڕانەوەکانیان ڕاگرتووە.

زەبوورەکان ٣٤:١٥

نوێژ بۆ یەکتری بکەن تاکو چاکببنەوە. نوێژی کەسی ڕاستودروست زۆر بەهێز و کاریگەرە.

یاقوب ٥:١٦

عیسای خاوەن شکۆ.

ئاشکراکردن ٢٢:٢٠

ئەی خودای من، دوا مەکەوە.

زەبوورەکان ٤٠:١٧

چاوەڕوانی ڕۆژی خودا دەکەن و پەلە لە هاتنی دەکەن.

دووەم پەترۆس ٣:١٢