ڕووناکی ڕۆژانە, کانوونی دووەم ٢٠: ناوی کوڕەکەی چییە؟

ناوی لێ دەنرێت سەرسوڕهێنەر و ڕاوێژکار.

ئیشایا ٩:٦

وشەکەش بوو بە مرۆڤ و لەنێوانماندا نیشتەجێ بوو. شکۆی ئەومان بینی، وەک شکۆی تاقانەیەک لە باوکەوە، پڕ لە نیعمەت و ڕاستی.

یۆحەنا ١:١٤

چونکە فەرمایشتی خۆتت لە ناوبانگەکەت بەرزتر کردووەتەوە.

زەبوورەکان ١٣٨:٢

ناوی لێ دەنێن ئیمانوێل،﴾ کە بە واتای خودا لەگەڵمانە دێت.

مەتا ١:٢٣

چونکە گەلەکەی لە گوناهەکانیان ڕزگار دەکات.

مەتا ١:٢١

تاکو هەموو ڕێزی کوڕەکە بگرن وەک چۆن ڕێزی باوک دەگرن.

یۆحەنا ٥:٢٣

لەبەر ئەوە خودا زۆر بەرزی کردەوە و ئەو ناوەی دایێ کە لە سەرووی هەموو ناوێکەوەیە.

فیلیپی ٢:٩

لە سەرووی هەموو فەرمانڕەوا و حوکومڕان و هێز و دەسەڵاتێک و هەموو ئەوانەی ناویان هەیە، نەک تەنها لەم دنیایە، بەڵکو لەو دنیاش. خودا هەموو شتێکی خستە ژێر پێیەکانی.

ئەفەسۆس ١:٢١–٢٢

ناوێکی نووسراوی هەیە کە جگە لە خۆی کەس نایزانێت. ... پاشای پاشایان و گەورەی گەورەیان.

ئاشکراکردن ١٩:١٢, ١٦

ئێمە پەی بە خودای هەرە بەتوانای باڵادەست نابەین.

ئەیوب ٣٧:٢٣

ناوی چییە؟ ناوی کوڕەکەی چییە؟ ئەگەر دەیزانیت پێم بڵێ!

پەندەکانی سلێمان ٣٠:٤

بەشی یەزدان گەلەکەیەتی.

دواوتار ٣٢:٩

ئێوەش هی مەسیحن، مەسیحیش هی خودایە.

یەکەم کۆرنسۆس ٣:٢٣

من بۆ دڵدارەکەمم و ئەو پەرۆشی منە.

گۆرانی گۆرانییەکان ٧:١٠

دڵدارەکەم بۆ منە و منیش بۆ ئەوم.

گۆرانی گۆرانییەکان ٢:١٦

ئەوەی منی خۆشویست و خۆی کردە قوربانی بۆ من.

گەلاتیا ٢:٢٠

ئێوەش هی خۆتان نین، چونکە ئێوە بە نرخێک کڕاون. جا بە جەستەتان ڕێزی خودا بگرن.

یەکەم کۆرنسۆس ٦:١٩–٢٠

یەزدان ئێوەی برد و لە کوورەی ئاسنەوە لە میسرەوە دەریهێنان هەتا وەک ئەمڕۆ ببنە گەلی میراتی ئەو.

دواوتار ٤:٢٠

ئێوەش کێڵگەی خودا و خانووی خودان.

یەکەم کۆرنسۆس ٣:٩

بەڵام مەسیح وەک کوڕەکە لەسەر ماڵی خودا دڵسۆزە، ئەو ماڵەش ئێمەین، ئەگەر دەستبگرین بەو متمانە و هیوایەی کە شانازی پێوە دەکەین.

عیبرانییەکان ٣:٦

ئێوەش وەک بەردی زیندوو لە خانووێکی ڕۆحی بنیاد دەنرێن، بۆ کاهینیێتی پیرۆز، بۆ کردنی قوربانییە ڕۆحییە قبوڵکراوەکان بۆ خودا لە ڕێگەی عیسای مەسیحەوە.

یەکەم پەترۆس ٢:٥

یەزدانی سوپاسالار دەفەرموێت: «ئەوانە دەبنە هی من، لەو ڕۆژە دەبنە گەنجینەیەکی تایبەتی من.

مەلاخی ٣:١٧

هەرچییەک هی منە، هی تۆیە، هەرچییەکیش هی تۆیە، هی منە، من لە ئەواندا شکۆدار بووم.

یۆحەنا ١٧:١٠

هەروەها لە شکۆ و دەوڵەمەندیی میراتەکەی بۆ خوشک‏ و برا پیرۆزەکان تێبگەن.

ئەفەسۆس ١:١٨