ڕووناکی ڕۆژانە, تشرینی یەکەم ٦: کەس لە دەستم دەرباز نابێت

خودای پەروەردگارمان هەرە بەتوانایە، حوکومڕانی دەکات.

ئاشکراکردن ١٩:٦

زانیم کە دەتوانیت هەموو شتێک بکەیت.

ئەیوب ٤٢:٢

ئەوەی لەلای خەڵکی مەحاڵە، لای خودا دەبێت.

لۆقا ١٨:٢٧

ئەو بە خواستی خۆی دەکات لەگەڵ هێزەکانی ئاسمان و دانیشتووانی زەوی. کەس نییە دەستی بگرێت یان پێی بڵێت، «چی دەکەیت؟»

دانیال ٤:٣٥

کەس لە دەستم دەرباز نابێت. هەرچی بکەم، کێ ڕەتی دەکاتەوە؟

ئیشایا ٤٣:١٣

بابە! باوکە، هەموو شتێک بۆ تۆ دەبێت.

مەرقۆس ١٤:٣٦

باوەڕتان بەوە هەیە کە من بتوانم ئەمە بکەم؟» وەڵامیان دایەوە: «بەڵێ گەورەم.» ئینجا ئەویش دەستی لە چاویان دا و فەرمووی: «با بەگوێرەی باوەڕتان بۆتان ببێت.

مەتا ٩:٢٨–٢٩

گەورەم، ئەگەر بتەوێت، دەتوانیت پاکم بکەیتەوە.» عیساش دەستی بۆ درێژکرد و دەستی لێدا و فەرمووی: «دەمەوێت.

مەتا ٨:٢–٣

خودای بەتوانا.

ئیشایا ٩:٦

هەموو دەسەڵاتێکم لە ئاسمان و لەسەر زەوی دراوەتێ.

مەتا ٢٨:١٨

هەندێک شانازی بە گالیسکە دەکەن و هەندێک بە ئەسپ، بەڵام ئێمە شانازی بە ناوی یەزدانی پەروەردگارمان دەکەین.

زەبوورەکان ٢٠:٧

بەهێزبن و ئازابن و مەترسن و لەبەردەم پاشای ئاشور و هەموو ئەو کۆمەڵەی لەگەڵیدایە ... چونکە ئەوەی لەگەڵ ئێمەیە بەهێزترە لەوەی لەگەڵ ئەوە.

دووەم پوختەی مێژوو ٣٢:٧

ئەو قسەیە چی بوو کە پێی فەرموویت؟

یەکەم ساموئێل ٣:١٧

ئەی مرۆڤ، یەزدان پێی ڕاگەیاندیت کە چی چاکە و داوای چیت لێدەکات: دادوەری بەجێبهێنە و حەزت لە خۆشەویستی نەگۆڕ بێت و بە بێفیزی لەگەڵ خوداکەت هاتوچۆ بکەیت.

میخا ٦:٨

فەرمانەکانی یەزدان و فەرزەکانی بەجێبهێنن کە من ئەمڕۆ بۆ باشی خۆتان فەرمانتان پێ دەکەم.

دواوتار ١٠:١٣

هەموو ئەوانەی پشت بە کرداری شەریعەت دەبەستن، لەژێر نەفرەتن، چونکە نووسراوە: ﴿هەرکەسێک لە هەموو نووسراوی پەڕتووکەکانی تەورات نەچەسپێت بۆ پەیڕەوکردن، نەفرەت لێکراوە.﴾ ئاشکرایە لە بەرامبەر خودا کەس بە شەریعەت بێتاوان ناکرێت، چونکە: ﴿ئەوەی ڕاستودروستە بە باوەڕ دەژیێت.‏﴾ کەواتە شەریعەت بۆ چییە؟ بەهۆی پێشێلکردنەکانەوە زیادکراوە، هەتا ئەو کاتەی نەوەی بەڵێندراو دێت.

گەلاتیا ٣:١٠–١١, ١٩

لە سەردەمانی کۆنەوە خودا زۆر جار و بە ڕێگای جۆراوجۆر بەهۆی پێغەمبەرانەوە لەگەڵ باوباپیراندا دواوە، بەڵام لەم ڕۆژانەی کۆتاییدا بەهۆی کوڕەکەیەوە لەگەڵمان دوا.

عیبرانییەکان ١:١–٢

بەندەت گوێی گرتووە. ساموئێلیش ڕۆیشت و لە شوێنەکەی خۆی پاڵکەوتەوە.

یەکەم ساموئێل ٣:٩